Icelandic Art Center
Icelandic Art Center
17. 12 2019
OPEN CALL | Vinnustofudvöl í Kunstlerhaus Bethanien í Berlín

English version here

Opnað hefur verið fyrir umsóknir um vinnustofudvöl í Kunstlerhaus Bethanien í Berlín frá 1. maí 2020 – 15. apríl 2021.

Image
Exhibition: Matthias Baader Holst, 2011 Photo: Georg Schroeder © Georg Schroeder / Künstlerhaus Bethanien

Künstlerhaus Bethanien var stofnuð árið 1974, og er ein rótgrónasta og virtasta stofnun Þýskalands á þessu sviði. Að jafnaði starfa um 25 listamenn víðsvegar að úr heiminum við miðstöðina, sem býður upp á alþjóðlegt tengslanet og samstarf innan samtímamyndlistar.

Dvölin veitir listamönnum sem þar dvelja aðgengi að öflugu, alþjóðlegu tengslaneti; sýningarstjórum, safnafólki, blaðamönnum og öðrum sem starfa innan geirans. Auk þess heldur stofnunin utan um sýningarhald, útgáfu og ýmsa viðburði fyrir listamennina sem þar dvelja. Á meðan vinnustofudvöl stendur heldur hver listamaður einkasýningu á vegum Künstlerhaus Bethanien.

Boðið er upp á einkavinnustofu sem er 40 m2 að stærð og fullan aðgang að verkstæðum og bókasafni.

Listamaður hefur kost á því að búa á vinnustofunni óski hann þess, en þar er til staðar eldhúskrókur og rúm.

Áhersla verður lögð á að bjóða listamönnum til dvalarinnar sem hafa verið starfandi í þónokkurn tíma og hafa áhuga á því að leita tækifæra utan landsteinanna. Gert er ráð fyrir að viðkomandi listamenn hafi sýnt á söfnum og viðurkenndum sýningarstöðum hérlendis og erlendis.

Valeria Schulte-Fischedick umsjónarmanneskja vinnustofanna mun koma til landsins í janúar og kynna starfsemina og svara spurningum.

Forval á umsóknum verður í höndum fagráðs Kynningarmiðstöðvarinnar, en lokaval á listamanni verður í höndum Künstlerhaus Bethanien.


Ekki er um eiginlegt umsóknarform að ræða en óskað er eftir því að eftirtalin gögn séu send inn til grundvallar vali:

• Kynningarbréf frá listamanni

• CV

• Portfolio

• Greinar og fjölmiðlaumfjöllun ef við á

• Stutt greinagerð á því hvernig listamaður hyggst nýta sér dvölina, markmið og væntingar

Gögnin skulu vera send á netfangið bethanien@icelandicartcenter.is.

Gert er ráð fyrir að efni sé eingöngu sent á rafrænu formi.

Hægt er að senda vefsíðuslóðir, linka á myndbönd, pdf skjöl eða hvað sem hentar best.

Ef umsækjandi óskar þess er einnig heimilt að senda meðmælabréf með umsókn.

Umsóknarfrestur er til og með 3. febrúar