Á sýningunni vinnur Ásta með ýmiss konar goðafræði, lífsspeki, ævintýri, trú, helgisiði og birtingarmynd þeirra í hlutum, minjagripum, heillagripum, verndargripum o.fl. Til hliðsjónar er notkun á yfirnáttúrulega hlöðnum hlutum og andlegu gildi þeirra frá fornum tímum og til dagsins í dag.

*

Fyrir löngu var ekkert tákn fyrir ekkert. Síðan komu tákn sem gáfu til kynna að það vantaði eitthvað. Og að lokum komu fram hugmyndir um að ekkert sé eitthvað.

Hvernig lítur lukka út í lófanum? Hvernig lítur von út í vasa? Það er ekki hvað þú horfir á, heldur hvernig. Opinn faðmur er ekki allslaus heldur fullur af möguleikum