Á sýningunni verða verk Ragnars Kjartanssonar í forgrunni ásamt verkum eftir helstu samstarfsmenn hans, þau Magnús Pálsson, Jón Gunnar Árnason, Dieter Roth, Níels Hafstein, Ragnhildi Stefánsdóttur, Ívar Valgarðsson, Þórdísi Öldu Sigurðardóttur, Ólaf Svein Gíslason, Nönnu Skúladóttur, Kristin E. Hrafnsson, Ingu S. Ragnarsdóttur og Gunnar Árnason.

Fjöldi nýrra og eldri verka verða á sýningunni sem aldrei hafa verið sýnd opinberlega áður. Allir listamennirnir á sýningunni tengdust Ragnari vináttuböndum, voru samstarfsmenn hans og nutu hvatningar hans á ýmsan hátt.

Að sýningunni standa Minningarsjóður um Ragnar Kjartansson eldri, Myndhöggvarafélagið í Reykjavík og Samband íslenskra myndlistarmanna, SÍM.