Claudia Hausfeld: Rumours of Being

Í fyrstu einkasýningu Claudiu Hausfeld í Hverfisgalleríi, Rumours of Being, sýnir hún tólf ný verk sem unnin eru í ýmsum miðlum, t.a.m. kolaprenti, prenti á hör og steinflísar, og prentverk sem unnin eru í myrkraherbergi. Í listsköpun sinni einbeitir Hausfeld sér að rýmum sem við tilheyrum og leggur áherslu á hliðræna þætti miðlanna sem hún notar. Í verkunum gerir hún tilraunir með efni og yfirborð sem leiða til ljósmyndaverka sem oft eru í formi skúlptúra.

„Þetta hafði verið afar erfiður mánudagur. Samstarfsmaður minn heldur ekki skrá yfir það sem gera þarf svo að ég er aldrei viss um hvað hann man – það veldur miklum ruglingi. Ég stóð á öndinni þegar ég settist við skrifborðið mitt. Þráðlausa netið í íbúðinni minni var ekki mjög gott og myndin var alltaf að frjósa. Við ákváðum að skipta yfir í 4G fyrir símana okkar til að fá betra samband. Ég hengdi símann, sem var með litlum áföstum krók, á skjáinn á fartölvunni minni, fyrir framan myndavélarlinsuna sem flest skynsamt fólk setur límmiða yfir þegar hún er ekki í notkun. Við mér blöstu skyndilega þrír rammar: Síminn, fartölvan og glugginn sem rammaði næturhimininn inn í bakgrunninum. Ég skrifaði „síminn á tölvunni fyrir framan gluggann“ og teiknaði litla skýringarmynd af því og auga með löngum augnhárum“.

Úrdráttur úr sýningartexta eftir Erin Honeycutt

Claudia Hausfeld fæddist í Austur-Berlín árið 1980 og stundaði nám ljósmyndun í Listaháskólanum í Zürich og síðar myndlistarnám við Listaháskóla Íslands. Hausfeld hefur verið við stjórn fjölmargra listviðburða á Íslandi, í Danmörku og í Sviss, þ.á m. við Nýló. Auk þess að sinna listsköpun sinni stýrir Hausfeld, auk annarra, ljósmyndavinnustofu Listaháskólans. Claudia Hausfeld býr og starfar í Reykjavík.

Sýningartími

20.03.2021 - 22.05.2021
Ongoing...

Frekari upplýsingar

Viðburður á Facebook
Hverfisgallerí

Staðsetning

Hverfisgallerí
Hverfisgata 4, 101 Reykjavík
Vefsíða
https://hverfisgalleri.is
Viðburður á Facebook