Handan við hafdjúpin bláu

Fimmtudaginn 22. apríl n.k. opnar fjórða sýningin í röð sjö örsýninga undir yfirskriftinni CARBON-KOLEFNI vísindi listanna – listin í vísindunum í glugga Gallerí Úthverfu á Ísafirði. Sýningin er samstarfsverkefni Jóns Sigurpálssonar myndlistarmanns á Ísafirði og Cristian Gallo vistfræðings og ber heitið ,,Handan við hafdjúpin bláu – Beyond the blue oceans deep and wide”.

Verið velkomin á opnun sýningar Jóns og Cristian fimmtudaginn 22.apríl kl. 17. Boðið verður uppá léttar veitingar og spjall.

CARBON – KOLEFNI – vísindi listanna / listin í vísindunum
10.3 – 30.3 og 6.5 – 1.6 20211 – Innrás flundru í ferskvatni 10.3 – 16.3 Pétur Guðmundsson með Theresu Henke

2 – Líffræði ferskvatns: ,,Liver of the river – Vængstífð von’’ 18.3 – 23.3 Gunnar Jónsson með Daniel Govoni

3 – Tré og skógar 25.3 – 19.4
Nína Ivanova með Kristjáni Jónssyni

4 – Handan við hafdjúpin bláu – Beyond the blue oceans deep and wide
22.4 – 11.5 Jón Sigurpálsson með Cristian Gallo

5 – Þorskurinn : Viljinn til að lifa af 13.5 – 18.5
Ólöf Dómhildur Jóhannsdóttir með Guðbjörgu Ástu Ólafsdóttur

6 – Að passa fjöllin sín 20.5 – 25.5
Björg Sveinbjörnsdóttir með Sigríði Sif Gylfadóttur

7 – Grásleppa 27.5 – 1.6
Rannveig Jónsdóttir með James Kennedy

Rannsóknastjóri Háskólaseturs Vestfjarða Dr. Catherine P. Chambers og gestavinnustofur ArtsIceland ásamt Galleríi Úthverfu / Outvert Art Space á Ísafirði hafa unnið saman um nokkurt
skeið að undirbúningi verkefnisins CARBON – KOLEFNI.

Markmið verkefnisins er að leiða saman fólk á vísinda- og listasviðinu til samvinnu um ýmis rannsóknarverkefni og miðla afrakstri samvinnunnar til almennings með sýningum og margvíslegum öðrum miðlunarleiðum. Tilgangurinn er m.a. að gefa vestfirsku listafólki fleiri tækifæri til að þróa og sýna verk sín og gera vinnu þeirra sem starfa í vísindasamfélagi Vestfjarða sýnilegri og styrkja með því vestfirskt rannsóknasamfélag.
Gluggasýningarnar í Úthverfu er einungis fyrsti hluti verkefnisins sem mun taka á sig fleiri birtingarmyndir á næstu misserum.

JÓN SIGURPÁLSSON MEÐ CRISTIAN GALLO – “HANDAN VIÐ HAFDJÚPIN BLÁU – BEYOND THE BLUE OCEANS DEEP AND WIDE”.

Handan við hafdjúpin bláu. Larus hyperboreus hefur svipaða rödd og svartbakur en skrækari með hrjúft, geltandi „ák“ og djúpt, kokkennt „ga-ga-ga“ og langdregin mjálmandi hljóð.

Jón Sigurpálsson (1954) býr og starfar á Ísafirði. Menntaði sig til myndlistar í Reykjavík og Hollandi og hefur sýnt verk sín á sýningum hér heima og erlendis á fjórða áratug.

Cristian Gallo er vistfræðingur hjá Náttúrustofu Vestfjarða. Hann starfar við vöktun og rannsóknir á dýralífi fjara og sjávarbotns, skordýrum og fuglum. Vetrarfugla-, bjargfugla- og mófugla-vaktanir eru meðal þeirra verkefna sem hann sinnir tengdum fuglum en síðasta sumar byrjaði hann jafnframt að fylgjast með stofnstærð kría og hvítmáfa á Vestfjörðum.

Sýningarstjóri er Heiðrún Viktorsdóttir.

Uppbyggingarsjóður Vestfjarða, kol&salt ehf og Ísafjarðarbær styrkja verkefnið.

Sýningartími

22.04.2021 - 11.05.2021
Expired!

Frekari upplýsingar

Viðburður á Facebook
Gallerí Úthverfa

Staðsetning

Gallerí Úthverfa
Aðalstræti 22, Ísafjörður
Vefsíða
https://www.facebook.com/Galler%C3%AD-%C3%9Athverfa-Outvert-Art-Space-1381857325393951/
Viðburður á Facebook