María Gísladóttir: Að Vera vera

Verið hjartanlega velkomin á sýningu Maríu Gísladóttur, AÐ VERA VERA í Gallerí Gróttu. Sýningin opnar fimmtudaginn 15. apríl kl. 13:30-18:30. Laugardaginn 17. apríl mun listakonan jafnframt taka á móti gestum á sýninguna kl. 12-14.

María er fædd á Ísafirði árið 1960. Við þriggja ára aldur fluttist hún ásamt fjölskyldu sinni í Lauganeshverfið í Reykjavík. María stundaði nám á listasviði við Fjölbrautaskólann í Breiðholti og síðar diplómanám við Myndlistarskólann í Reykjavík. Hún hefur tekið þátt í samsýningum hérlendis og í Finnlandi árið 2018. María starfar nú í Hlutverkasetri, endurhæfingarmiðstöð þar sem hún hefur numið vatnslita-, olíu- og pastelmálun, klippitækni og fleira. AÐ VERA VERA Hugmyndin að sýningunni kemur djúpt úr völundarhúsi huga og hjarta. Við skulum segja að þetta sé fyrsta skrefið í uppgjöri. Árið 2014 var ég komin út í horn. Ég þurfti að endurskipuleggja sjálfa mig. Þá uppgötvaði ég klippitæknina, hana hef ég notað mikið til sjálfshjálpar. Ég þurfti að endurskoða mig sem konu og viðurkenna nördinn í mér, ég endurskoðaði allt sem tilheyrir því að vera manneskja. Ég þurfti að læra að reiðast og gefa sjálfri mér leyfi til að finna til. Það er ekki hægt að fjalla um skuggahliðar lífsins án þess að hafa húmor og leyfa því blíða að kíkja inn. Gjörið svo vel.

Sýningartími

15.04.2021 - 15.05.2021
Expired!

Frekari upplýsingar

Viðburður á Facebook
Gallerí Grótta

Staðsetning

Gallerí Grótta
Eiðistorgi 11, Seltjarnarnes
Vefsíða
https://www.facebook.com/GalleriGrotta/
Viðburður á Facebook