Sara Björk Hauksdóttir – Vinn, vinn


Á sýningunni Vinn vinn eru öll verkin unnin í samvinnu við aðra listamenn. Verkin, sem flest eru unnin á tímum covid19, voru send á milli heimila í lokuðu samfélagi. Í sumum tilfellum hafa þau verið skilin eftir við hurðastaf og sótt, sum hafa verið sprittuð. Verkin eru jafn ólík og þau eru mörg. Samt sem áður finnst í þeim sameiginlegur undirtónn sem gæti komið á óvart.
Myndefni og litaval er á vissan hátt bæði ævintýralegt og bjart. Í málverkinu, rétt eins og í samfélaginu sjálfu, fannst bæði leikur og hlýja, þrátt fyrir allt og allt. Þarna kjörnuðust einhverjir töfrar mannlegrar vináttu, mennskunnar, sem endurspegluðust svo vel í farsælli samstöðu og samvinnu á þessum sérstöku tímum.

Um listakonuna:
Sara Björk Hauksdóttir hefur tekið þátt í fjölda samsýninga á Íslandi og í Svíþjóð og einnig sett þar upp tvær einkasýningar, en þetta er fyrsta einkasýning hennar hérlendis.
Sara stefnir á útskrift næsta vor frá myndlistardeild Listaháskóla Íslands. Hún lauk námi í listmálun við Listaskólann Idun Lovén í Stokkhólmi árið 2015 og við Lýðháskólann Wik í Uppsala árið 2013.
Árið 2003 útskrifaðist Sara með BS gráðu í hjúkrunarfræði og lauk embættisprófi í ljósmóðurfræði frá Háskóla Íslands 2005. Árið 2010 hlaut hún mastersgráðu í lögfræði frá Háskólanum í Reykjavík.

Eftirtaldir listamenn störfuðu með Söru að sýningunni:
Andrea Hauksdóttir
Anika Baldursdóttir
Atli Pálsson
Auðunn Kvaran
Birkir Mar Hjaltested
Daníel Ágúst Ágústsson
Einar Lúðvík Ólafsson
Fríða Katrín Bessadóttir
Guðrún Ýr Eyfjörð Jóhannesdóttir (GDRN)
Hólmfríður Guðmundsdóttir
Högna Heiðbjört Jónsdóttir
Joe Keys
Julia Zakharchuk
Katrín Björg Gunnarsdóttir
Kristján Thorlacius Finnsson
Kristrún Ásta Arnfinnsdóttir
Rakel Andrésdóttir
Sigríður Ylfa Arnarsdóttir
Sunna Austmann Bjarnadóttir
Sölvi Steinn Þórhallsson
Tinna Royal
Þorri Líndal Guðnason

Sýningartími

03.07.2020 - 31.07.2020
Expired!

Frekari upplýsingar

Viðburður á Facebook
Listasalur Mosfellsbæjar

Staðsetning

Listasalur Mosfellsbæjar
Kjarni, Þverholt 2, 270 Mosfellsbær
Vefsíða
http://www.bokmos.is/listasalur/
Viðburður á Facebook

Skildu eftir svar

Netfang þitt verður ekki birt. Nauðsynlegir reitir eru merktir *