Sigurhans Vignir: Hið þögla, en göfuga mál

Sýningin Hið þögla, en göfuga mál er yfirlitssýning um ljósmyndaferil Sigurhans Vignis (1894-1975) en hann starfaði sem ljósmyndari frá 1917 til 1965, lengst af í Reykjavík.

Vignir skildi eftir sig verðmætt filmusafn sem varðveitt er á Ljósmyndasafni Reykjavíkur. Í því eru ríflega 40 þúsund myndir, flestar teknar á árunum 1940-1965. Margar þeirra eru þýðingar-miklar heimildir um mannlíf og uppbyggingu íslensks þjóðfélags á fyrstu áratugum lýðveldisins. Viðfangsefnin eru af ýmsum toga en tengjast oftast fjölskrúðugu atferli manneskjunnar frá vöggu til grafar s.s.; skírn barns, stofnun lýðveldis, verkafólk við vinnu, skautahlaup, hernám á hlutlausu þjóðríki, fegurðarsamkeppni í Tívolí, afmæli, hárkollugerð o.s.frv.

Vignir tók fjölda mynda fyrir Reykjavíkurborg og eru margar þeirra mikilvægar heimildir um starfsemi sveitarfélagsins, sögu þess og þróun. Þá var Vignir einnig mikilvirkur leikhúsljósmyndari og tók myndir fyrir Þjóðleikhúsið, Leikfélag Reykjavíkur og önnur minni leikfélög.

Á sýningunni verður um 110 nýjar stækkanir gerðar eftir upprunalegum filmum auk nokkurs af frummyndum, bæði portrett og handlitaðar landslagsmyndir.

Sýningarstjórn og myndaval: Gísli Helgason, Sigríður Kristín Birnudóttir og Kristín Hauksdóttir.

Sýningartími

06.03.2021 - 19.09.2021
Ongoing...

Frekari upplýsingar

Sjá hér
Ljósmyndasafn Reykjavíkur

Staðsetning

Ljósmyndasafn Reykjavíkur
Grófarhús, Tryggvagata 15, 6. hæð 101 Reykjavík
Vefsíða
https://borgarsogusafn.is/ljosmyndasafn-reykjavikur
Sjá hér

Skildu eftir svar

Netfang þitt verður ekki birt. Nauðsynlegir reitir eru merktir *