Solastalgia – Listahátíð í Reykjavík

Solastalgia er framlag Listasafns Íslands á Listahátíð í Reykjavík 2020.
Sýningin varir í rúman hálftíma og geta 10 manns skoðað hana í einu. Aldurstakmark 13 ára.

Solastalgia er innsetning í gagnauknum veruleika (AR-augmented reality) eftir alþjóðlegt teymi virtra listamanna úr ýmsum greinum þar sem samtímalist og einstakri hljóðhönnun er teflt saman til að skapa upplifun sem höfðar til allra skilningarvita.Gestum úr óþekktri framtíð býðst að ganga inn í 250 fermetra innsetningu með AR-höfuðbúnað og kanna jörðina eftir endalok mannkyns.
Eftir stendur aðeins dularfullt, stafrænt ský sem knúið er áfram af undarlegri vél.
Meðan gestirnir ganga um plánetuna þar sem mosi, brak, rústir og steingervingar hafa numið land, birtast vofur mannfólks allt í kring og tjá hin gleðiríku, djúpstæðu og grimmu augnablik tilverunnar um alla eilífð.Í dag trúum við meira en nokkru sinni fyrr á framfarir sem verða í krafti tækniþróunar. Við erum tengd við netið hverja stund en okkar björtu, stafrænu framtíð stendur ógn af þeim fordæmalausu hamförum sem vofa yfir mannkyninu.

Óeðlilegar sveiflur í loftslagi og hnignun lífvera kallar á hugleiðingar um það hversu viðkvæm siðmenning okkar er í raun og veru. Solastalgia endurspeglar þessa spennu á milli frelsunarmáttar tækninnar og vísindalegra útreikninga um válega framtíð.

Höfundar, leikstjórn:
Antoine Viviani
Pierre Alain Giraud
Leikmynd:
Gabríela Friðriksdóttir
Hljóð:
Nicolas Becker
Tónlist:
Valgeir Sigurðsson
Sviðshönnun:
Laurence Fontaine
Danshöfundur:
Erna Ómarsdóttir
Meðframleiðendur:
The National Theater of Brittany (TNB), smíði á leikmynd og framleiðsla búninga.
Bygging innsetningar:
La Géneratrice by Pierrotechnics

Sýningartími

05.07.2020 - 30.09.2020
Ongoing...
Miðasala og nákvæmar tímasetningar

Skildu eftir svar

Netfang þitt verður ekki birt. Nauðsynlegir reitir eru merktir *