Laugardaginn 4. september, kl. 16, opnar samsýningin 30×30 í Gallery Port.

Á sýningunni kemur saman fjölbreyttur hópur listafólks, 30 manns, og sýna þrjátíu ný verk. Sýningin er framhald af sýningunni 20×20 en nú hafa bæst 10 listamenn.

Verkin eiga reikningsdæmið 30×30 sameiginlegt, en hverjum svo í sjálfsvald sett hvernig útkoman er útsett. Útkoman er fjölbreytt sýning og spanna verkin marga miðla.

Listamennirnir koma hver úr sinni áttinni, eru af hinni og þessari kynslóðinni, bæði gömul og ný í hettunni.

Sýningin stendur til 30. september og eru opnunartímar Gallery Port í september frá fimmtu- til laugardags frá 12:00 – 17:00.