Loading Events

« All Events

  • This event has passed.

Áslaug Íris Katrín Friðjónsdóttir: Arfur

5 mars27 mars

Í hversdeginum smyr ég mér samloku þar sem kynslóðirnar blandast saman í majonesinu og ólík tímabil mannkynssögunnar hlaðast ofan á hvert annað. Kalkúnabringa, salatblað, tómatar og ostur. Ég fæ mér bita og hugsa um ömmur mínar og afa, landflutninga, Evrópu og innflytjendur. Um gróður, mold og steingervinga, listir og sögu mannkyns.

 

Arfur

ég fæddist með silkiborða í höndunum

greip hann á leið minni gegnum fæðingarveginn 

og skildi þá um leið 

að hann væri haldreipi mitt í lífinu

silkiborði á kefli 

sem hver einasta kona í móðurlegg hefur tekið við

spunnið 

og síðan gefið áfram

það er best að loka augunum og horfa með fingrunum

þá greiðist fyrr úr flækjunum

-Áslaug Íris Katrín Friðjónsdóttir

 

Áslaug Íris Katrín Friðjónsdóttir (f. 1981) lauk B.A. námi í myndlist frá Listaháskóla Íslands árið 2006 og MFA frá School of Visual Arts í New York árið 2009. Áslaug bjó um tíma í Bandaríkjunum en býr nú og starfar í Reykjavík. Hún hefur tekið þátt í samsýningum í söfnum, galleríum og öðrum sýningarrýmum í Evrópu, Bandaríkjunum og á Íslandi. Áslaug hélt sína fyrstu einkasýningu árið 2015 í Hverfisgalleríi en nýlegar sýningar eru STEIN SKRIFT í Norr11, Stellingar I Línulegar frásagnir í Berg Contemporary, Umskráning, fyrir sýningarröðina Í kring í Reykjavík Roasters/Ásmundarsal og Innanyfir í Gallerí Port.

Details

Start:
5 mars
End:
27 mars
Event Tags:
,
View Event Website

Venue

Þula
Hjartartorg, Laugavegur 21
Reykjavík, 101 Iceland
+ Google Map
View Venue Website