i8 Grandi stendur að mun lengri sýningum en vaninn er hjá söfnum og galleríum. Heilsárssýningarnar eru helgaðar hugmyndum um tíma og rúm og uppstillingin mun þróast sem á líður á sýninguna. Hið langa skeið sem heilt ár býður upp á leyfir listamönnum að íhuga hvernig tíminn mótar verk þeirra og hvernig flæðið hvetur áhorfendur til að heimsækja aftur síbreytilegar innsetningar. Árið 2023 sýnir B. Ingrid Olson í i8 Granda sýninguna Cast of Mind.

Heitið „Cast of Mind“ lýsir hvernig skynjun manneskju gæti stafað af ákveðinni tilhneigingu, rótgrónum skoðunum eða tímabundnu hugarástandi. Í stuttu máli endurspeglar heitið hugmyndina um huglæga skynjun en orð þess gætu einnig ljóðrænt gefið í skyn að hugsun sé varanlega skjalfest. Að steypa í mót einhverju jafn breytilegu og hugsun er góð linsa til að virða fyrir sér sýningu sem býður upp á breytingar í sjálfri sér. Hvernig er hægt að skrá ummerki vitsmuna, ákvarðanatöku, minnis og eðlisávísunar?