Loading Events

« All Events

  • This event has passed.

Gjörningaþoka

3 febrúar6 febrúar

Hafnarhúsið er undirlagt af gjörningalist í nóvember með listahátíðinni Gjörningaþoka sem fer fram dagana 18.-21. nóvember 2021. Listformið á sér langa og merka sögu og stendur um þessar mundir í miklum blóma. Dagskráin endurspeglar þetta með því að samtvinna flutning gjörninga eftir unga listamenn sem eru að prófa sig áfram með formið og eftir eldri og reyndari listamenn sem hafa mótað sinn sérstaka stíl, aðferðir og viðfangsefni. Boðið verður upp á hádegisumræður með hópum sem létu sig gjörningalist varða um einhvern tíma og tóku þátt í því að móta listgreinina eins og hún er á Íslandi í dag.

Samhliða hátíðinni fer fram viðamikil ráðstefna ber yfirskriftina Þokuslæðingur þar sem sjónum er einkum beint að eðli listformsins og faglegu hlutverki liststofnanna þegar kemur að gjörningalist. Framsögumenn koma úr röðum myndlistarmanna, fræðimanna og sérfræðinga á sviði varðveislu og skráningu, m.a.  frá Listaháskóla Íslands og Nýlistasafninu. Ráðstefnan er haldin er í samstarfi við Rannsóknarsetur í safnafræðum við Háskóla Íslands.

Meðal listamanna sem taka þátt í Gjörningaþokumá nefna eftirfarandi: Gjörningaklúbburinn, Katrín Inga Jónsdóttir, Margrét Bjarnadóttir, Sigurður Ámundason, Örn Alexander Ámundason, Egill Sæbjörnsson og Ilmur Stefánsdóttir.

Venue

Reykjavík Art Museum – Hafnarhúsið
Tryggvagata 17
Reykjavík, 101 Iceland
+ Google Map
View Venue Website