PAMELA ANGELA

Mellem himlen og haven er síðasta stykkið í vængjaseríu Pamelu Angelu (Miu Ghabarou og Áslaugar Magnúsdóttur) þar sem myndlíkingar verða að raunveruleika. Verkið er innsetning byggð á tveimur ólíkum einingum; skúlptúr og tónflutningi. Skúlptúrinn er spilanlegt hljóðfæri búið til úr bílhurð sem leyfir okkur að túlka tónlistina eftir að hún hefur verið stöðvuð. Tónlistin hefur leikræna eiginleika og er blanda af post-folk, hávaða, „autotune“ og uppleystum laglínum ástarsorgar.

Ferðalag bílhurðarinnar frá ruslahaug í Danmörku til bílakirkjugarðs á Íslandi, með stoppi í Ásmundarsal.

METAL HARP ROCK MUSIC

Verkið er eftir Pamela Angela (Mia Ghabarou og Áslaug Magnúsdóttir) og hljóðfærasmíði er í höndum Henrik Sandberg Ballowitz.

Pamela Angela er kraftmikið fyrirbæri þar sem alsæla mætir stanslausri truflun, ágengi umvafin hinu rómantíska. Verkefnið er samstarf Miu Ghabarou og Áslaugar Magnúsdóttur. Nálgun þeirra er margþætt en þær hafa bakgrunn í klassískri tónlist og raftónsmíðum, gjörningalist og dramatúrgíu, þar sem hjartasorgir mæta akúsmatískri tónlist. Lifandi flutningur Pamelu Angelu er jafn tilfinninga truflandi eins og hann er síbreytilegur. Síendurteknar laglínur með breytilegum samsetningum ólíkra listamanna. Þær leggja nú orku sína í að smíða hljóðfæri, semja handrit og vinna að nýrri plötu sem mun koma út síðar á þessu ári.

Áslaug og Mia hafa báðar lokið BA gráðu í raftónsmíðum.