Loading Events

« All Events

  • This event has passed.

Pétur Gaut: Skálar

3 september24 september

Pétur Gautur er vel þekktur fyrir uppstillingar sínar og djarft litaval í málverki. Hann aðhyllist einfaldleikann, notar fáa en vel valda liti með áherslu á andstæður ljóss og skugga. Uppstillingin, svokallað „still life”, er klassískt viðfangsefni í listasögunni sem býður þó alltaf upp á nýja nálgun sem Pétur Gautur hefur í gegnum tíðina kannað og leikið sér með. Í nýjustu verkum hans er íslenski valmúinn í aðalhlutverki. Í þeim verkum hefur Pétur fjarlægst hina klassísku uppbyggingu „still life” verkanna, eða uppstillinganna. Kunnugleg skálaformin endurtaka sig þó í krónum valmúans sem hríslast um myndflötinn í óbeislaðri fegurð sinni.
Pétur Gautur er fæddur í Reykjavík árið 1966. Hann stundaði nám í listasögu við Háskóla Íslands og í málaradeild Myndlista- og handíðaskóla Íslands. Hann er einnig með M.Art Ed. gráðu í listkennslu frá Listaháskóla Íslands.

Details

Start:
3 september
End:
24 september
Event Tags:
,
Website:
https://www.myndlist.is

Venue

Gallery Fold
Rauðarárstígur 12 - 14
Reykjavík, 105 Iceland
+ Google Map