Einkasýning Ragnheiðar Sigurðardóttur Bjarnarson, Ljósbrot, er fyrsta sýning ársins hjá Listasal Mosfellsbæjar. Sýningin hefst föstudaginn 7. janúar og lýkur 4. febrúar.

Ragnheiður Sigurðardóttir Bjarnarson (f. 1986) er alin upp í Mosfellsbæ. Hún útskrifaðist frá Listaháskóla Íslands sem danshöfundur árið 2009, með meistarapróf í gjörningalist í almenningsrými frá Gautaborgarháskóla árið 2014 og með kennsluréttindi frá Listaháskóla Íslands árið 2017.

Ragnheiður hefur haldið fjölda sýninga, bæði hér á landi og erlendis. Hún fæst aðallega við myndverk en einnig gjörninga og dansverk. Ragnheiður er í samstarfi með fjölþjóðlega hópnum Onirism Collective og dúettnum RebelRebel. Árið 2018 stofnaði hún galleríið Midpunkt í Hamraborg ásamt Snæbirni Brynjarssyni. Út frá því samstarfi varð árið 2021 til Hamraborg Festival. Galleríið er í pásu eins og er en stefnt er að því að halda aðra Hamraborg Festival á þessu ári.

Sýningin Ljósbrot er hluti af stærra rannsóknarverkefni Ragnheiðar á hugtakinu „hægt“.Rannsóknin á uppruna sinn í göllum samfélagsins og leitar að því að skapa ró, yfirvegun, núvitund, hægar hreyfingar og hugsanir. Á sýningunni koma saman verk af ýmsum toga (vidjó, málverk, skúlptúrar, lágmyndir) sem leyfa upplifun áhorfenda að bylgjast um rýmið.
buy Bactroban generic https://rxbuywithoutprescriptionrxonline.com over the counter

Hvert og eitt verk varpar sínu litrófi, sínum tilfinningum. Heildin myndar fallegan fjallgarð en þó má sjá sérstæðu hvers og eins verks skína í gegn.

Listasalur Mosfellsbæjar er staðsettur inn af Bókasafni Mosfellsbæjar, Þverholti 2. Ekki verður haldin sérstök opnun vegna Covid-19. Grímuskylda. Gott hjólastólaaðgengi er að salnum. Aðgangur ókeypis og öll velkomin.