Föstudaginn 24. júní kl. 17 opnar sýningin Safn Rósu Gísladóttur í Listasafni Einars Jónssonar (LEJ) sem jafnframt er 99 ára afmælisdagur safnsins.

LEJ er fyrsta listasafn landsins sem opnað var almenningi í eigin húsnæði. Það byggir á gjöf Einars Jónssonar (1874-1954), fyrsta myndhöggvara Íslands, en gjöfinni fylgdi kvöð um að reisa einkasafn yfir verk hans.

Á sýningunni tekst Rósa Gísladóttir (1957) á við hugmyndina um hið karllæga einkasafn og býr til sitt eigið safn með tilvísun í arkitektúr og tilurð LEJ.

Boðið verður upp á léttar veitingar. Listamannaspjall verður tvisvar á sýningartímanum og kynnt nánar síðar. Sýningin stendur til 25. september og er styrkt af Myndlistarsjóði, Myndstefi, launasjóði myndlistarmanna og safnasjóði.