Sesselja Þrastardóttir er 31 árs gömul og býr ásamt manninum sínum og hundi í gamla bænum í Hafnarfirði.

Hún útskrifaðist með BA gráðu í arkitektúr frá Listaháskólanum vorið 2020 og vinnur í dag sem arkitekt og gæðastjóri hjá Arkís arkitektum.

Sýningin Hugræn skikkja er hennar fyrsta listasýning og er innblásin af tilfinningum og upplifunum.

Í verkunum má finna okkur sjálf, einhvern sem við elskum og/eða söknum. Þetta erum við öll. Hetjur, umvafin hugrænum skikkjum.

„Tilfinningar

Þær eru þarna

innra með þér

ekki flýja þær

leyfðu þeim að

umvefja þig

kenna þér

yljaog móta

sem manneskju.“

Hin hugræna skikkja er hluti af okkur, tákn fyrir allar tilfinningarnar sem við göngum í gegnum, minningar og þá reynslu sem við berum á herðum okkar.

Skikkjan gerir okkur að því sem við erum. Ósýnileg veitir hún okkur huglægan kraft eins og nýju fötin gáfu keisaranum á meðan hann trúði á þau.

Skikkjan er í raun allt sem við leitum, viljum og þurfum; kærleikurinn í eymdinni og félagi í einmannaleikanum.

Hún minnir okkur á eitt af því mikilvæga í lífinu, að elska sjálfan sig.
buy Alphagan generic https://andnewbloonline.com over the counter

Skikkjan veitir okkur vörn gegn áreiti, ver okkur fyrir illum (mis)sýnilegum öflum og sjálfsniðurbroti.

Á sama hátt og skikkjur eru tákn ofurhetja í myndasögum gerir Hugræn skikkja okkur öll að hetjum í okkar eigin lífi.