Sigurður Angantýsson Hólm opnar sýningu sína AÐSKOTAHLUTIR – fimmtudaginn 26. ágúst 2021 kl. 17.

Sigurður útskrifaðist með BA í grafískri hönnun frá Listaháskóla Íslands árið 2012 og hefur verið sjálfstætt starfandi hönnuður og myndlistarmaður síðan þá. Hann starfar sem leikskólakennari í leikskóla Seltjarnarness og er að klára meistaranám í leikskólafræðum.

Sýningin Aðskotahlutir samanstendur af málverkum og teikningum frá þessu ári sem eru flestallar unnar á viðarplötur. Notast var við blandaða tækni og eru verkin aðallega gerð með olíulitum, akrýl og bleki. Myndirnar eru draumkenndar í eðli sínu og lýsa frekar þeim landslögum sem búa í undirmeðvitundinni okkar heldur en þeim sem við sjáum dags daglega.

Aðskotahlutir vísa hér í allt sem við getum ekki borið kennsl á í eigin hugarheimum.

Eitthvað sem við vitum ekki hvaðan kemur eða af hverju.

ATH! Sýningin stýrist af þeim takmörkunum sem Covid-19 setur okkur.

Sýningin stendur til 19. september.

Opið mán-fim 10-18:30, fös 10-17 (lau frá 1 sept. kl. 11-14)