Kynningarmiðstöð íslenskrar myndlistar styrkir myndlistarmenn til starfa, ferða og sýningahalds erlendis. Ferðastyrkir eru veittir fyrir ferðum, gistingu og/eða uppihaldi á ferðalögum og er hver styrkur upp á 75.000 kr.
Umsóknir eru teknar gildar að neðangreindum forsendum uppfylltum:
- Umsækjandi skal hafa íslenskt ríkisfang og/eða hafa búið á Íslandi a.m.k. undanfarin fimm ár
- Umsækjandi skal hafa sýnt verk sín á viðurkenndum sýningarstað
- Umsækjandi skal hafa boð um verkefnið frá viðkomandi stofnun, sýningarstað, galleríi eða útgefanda
- Umsóknin skal vera send af listamanni, sýningarstjóra, eða fulltrúa stofnunar sem hyggst sýna verk listamannsins
- Verkefnið þarf að eiga sér stað á sama ári og umsókn er send inn
Ferðastyrkir eru veittir fyrir ferðum, gistingu og/eða uppihaldi á ferðalögum.
- Valin ferilskrá með upplýsingum um menntun og sýningar
- Markmið ferðar
- Lýsing á verkefninu eða verkáætlun vegna vinnustofudvalar eða ferðalags
- Boðsbréf frá viðeigandi stofnun
Við mat umsókna eru eftirfarandi atriði höfð til hliðsjónar:
- Gæði, umfang og sýnileiki verkefnisins í alþjóðlegu samhengi
- Faglegur bakgrunnur umsækjanda
- Gæði, umfang og sýnileiki sýningarinnar, sýningarstaðar/vinnustofu
- Gildi verkefnisins
Kynningarmiðstöðin óskar eftir upplýsingum um verkefnið eða sýningu til kynningar á heimasíðu.
Ef verkefnið / ferðalagið / útgáfan, verður ekki að veruleika af einhverjum orsökum, eða er seinkað, er styrkþega skylt að tilkynna það til miðstöðvarinnar svo mögulegt sé að grípa til viðeigandi ráðstafana.
Umsóknarfrestir eru eftirfarandi:
1. febrúar fyrir verkefni á tímabilinu febrúar – maí
1. júní fyrir verkefni á tímabilinu júní – september
1. október fyrir verkefni á tímabilinu október – nóvember
