Íslensku myndlistarverðlaunin voru veitt nú í fjórða skipti í febrúar 2021 en markmiðið er að heiðra íslenska myndlistarmenn, eða myndlistarmann sem búsettir eru á Íslandi, og vekja athygli á því sem vel er gert jafnframt því að hvetja til nýrrar listsköpunar.

Libia Castro og Ólafur Ólafsson hlutu Myndlistarverðlaun ársins 2021 fyrir verkið Í leit að töfrum – Tillaga að nýrri stjórnarskrá fyrir lýðveldið Ísland, í Listasafni Reykjavíkur, Hafnarhús og á götum úti við Stjórnarráð og Alþingi Íslands, 3. október 2020 í samstarfi við Listahátíðina Cycle og Listahátíð í Reykjavík. Hér ræða þau við Val Brynjar Antonsson um tildrög og framkvæmd verksins og listsköpun sína.