Fréttir

Borderlands Poetics: Rewilding Tongues auglýsir lausa til umsóknar stöðu starfsnema við Prentþríæringinn í Tallin í tvo mánuði í vor. Auglýst er eftir aðstoðarmanneskju í framleiðslu. Staðan er ætluð fólki búsettu í Finnlandi, á Íslandi eða í Wales. Umsóknarfrestur er til 10. febrúar.

Hamraborg kallar!

Hamraborg festival er haldin í fimmta skipti og býður listafólki af öllum sviðum að sækja um þátttöku.

Hamraborg Festival er listamannarekin hátíð sem fer fram ár hvert í hjarta Kópavogs. Í ár er hátíðin haldin dagana 29. ágúst - 5. september og umsóknarfrestur 12. febrúar kl. 15:00.

Umsóknarfrestur er til kl. 16 mánudaginn 24. febrúar.

Opnað hefur verið fyrir umsóknir listamanna um sex vikna dvöl í nýrri gestavinnustofu í Markeville í Alberta fylki í Kanada, fyrrum heimabæ Stephans G. Stephanssons ljóðskálds. Tekið er við umsóknum til 1. mars og tilkynnt verður um niðustöðuna 1. apríl. Allar upplýsingar má finna á heimasíðu vinnustofunnar. Vinnustofan er ætluð listamönnum með íslenskar rætur eða listamönnum sem vinna að verkefnum sem tengjast Íslandi. Vinnustofan er í húsi sem nefnist the Buttermaker’s House og það er The Stephan G. Stephansson Icelandic Society ásamt the Icelandic National League of North America (INLNA) sem standa að vinnustofunni. 

Ljósmyndahátíð Íslands er alþjóðleg ljósmyndahátíð, haldin annað hvert ár, nú dagana 17.-26. janúar. Hátíðin er haldin á fjórtán sýningarstöðum á höfuðborgarsvæðinu. Stjórnendur hátíðarinnar eru Katrín Elvarsdóttir og Pétur Thomsen. Á vefsíðu hátíðarinnar www.tipf.is má finna dagskrá og tengla á allar sýningar og viðburði.  Opnunarsýning hátíðarinnar er samsýningin Veðrun í Ljósmyndasafni Reykjavíkur. Þar sýna sextán félagar í Félagi íslenskra samtímaljósmyndara í sýningarstjórn Daríu Sólar Andrews.  Aðrar stærri sýningar fara meðal annars fram í Listasafni Íslands, þar verður samsýningin Nánd hversdagsins, í Gerðarsafni í Kópavogi opnar samsýningin Stara, í Hafnarborg í Hafnarfirði er einkasýning Helga Vignis Bragasonar - Kyrr lífsferill, í BERG Contemporary sýna Hallger´ður Hallgrímsdóttir og Nina Zurier á sýningunni Sjónarvottur og í Gallerí Port sýna Hrafn Hólmfríðarson og Þórsteinn Svanhildarson á sýningunni Sitthvoru meginvið sama borð.  Aðrir sýningastaðir eru taldir hér upp og eins og fyrr segir má finna tengla á sýningarnar á vefsíðu hátíðarinnar. 

Fyrsti gestur ársins 2025 í fyrirlestraröðinni Umræðuþræðir er franski listamaðurinn Yann Toma. Hann flytur fyrirlestur í Listasafni Reykjavíkur - Hafnarhúsi, fimmtudaginn 23. janúar kl. 20:00. Yann Toma er fæddur árið 1969. Hann er búsettur í París og New York þar sem hann starfar sem áheyrnarfulltrúi hjá Sameinuðu þjóðunum.

Verk hans einblína á orku og netkerfi, auk siðfræði. Hann staðsetur verk sín og hugsun á mörkum listrænnar og borgaralegrar tjáningar og setur þau í samhengi við yfirstandandi viðburði á sviði stjórnmála og fjölmiðla.

Verk eftir Yann Toma í eigu safneigna, svo sem Centre Pompidou og Neuflize’s banka, vekja spurningar um hugmyndir um orku, áhrif listar á samfélagið og mikilvægi siðfræði. Verk hans byggja á sameiginlegum framleiðsluferlum þar sem almenningur gegnir mikilvægu hlutverki í að skapa listaverkið og endurúthluta orku milli listamanns og áhorfanda. Meðal tilraunaverkefna Yann Toma sem snúa að endurúthlutun á Listrænni Orku milli listamanns og samfélags eru Dynamo-Fukushima (Grand Palais, 2011), Human Energy (Eiffel turninn, desember 2015), Human Greenergy (Forbidden City Beijing, október 2016), Planet Energy (Saatchi Gallery, 2023), Polarities (New York) & A Light-World (Paris, 2024). 

Yann Toma starfar sem prófessor við Paris 1 – Panthéon-Sorbonne háskóla og stundar rannsóknir við Institute of Arts Creation Theory and Aesthetics (ACTE) við sama háskóla. Hann stýrir meistaranáminu Arts & Vision (MAVI) og er einn stjórnanda meistaranáms í list og nýsköpunarstjórnun (Skóli lista – Skóli stjórnunar). Hann er samhæfingarstjóri í fjölmörgum rannsóknarverkefnum og áheyrnarfulltrúi við Institut des Hautes Etudes par les Sciences et la Technologie (IHEST).

Umræðuþræðir er samstarfsverkefni Myndlistarmiðstöðvar, Listaháskóla Íslands, og Listasafns Reykjavíkur. Í tengslum við verkefnið hefur allt frá árinu 2012 verið boðið hingað til lands fólki sem nýtur viðurkenningar í hinum alþjóðlega listheimi, ýmist á sviði listsköpunar, fræðastarfa eða sýningarstjórnunar. Lagt hefur verið upp með að skapa vettvang hérlendis fyrir alþjóðleg tengsl og umræður; gestirnir kynnast íslensku listalífi, stunda gestakennslu um leið og þau kynna eigin verk og hugðarefni með opnum fyrirlestrum í safninu.

Franska sendiráðið á Íslandi styrkir Umræðuþræði. Fyrirlesturinn fer fram á ensku. 

Myndlistarmiðstöð veitir styrki til myndlistarmanna til ferða vegna sýningahalds og vinnustofudvala utan Íslands.

Myndlistarmiðstöð heldur úti sýningadagatali þar sem við reynum eftir fremsta megni að skrá allar myndlistarsýningar á landinu. Árið 2024 höfum við skráð 358 sýningar í dagatalið okkar sem stappar nærri einni sýningu á dag!

Að vanda setja galleríin sig í jólagírinn og bjóða upp á úrval listaverka á aðventunni. Hér er yfirlit yfir það sem við höfum komist á snoðir um - etv. eru fleiri staðir með jólasýningar og þá er um að gera að láta okkur vita!

Það er hefð fyrir því að útgefið efni um myndlist hljóti viðurkenningu þegar Íslensku myndlistarverðlaunin eru afhent ár hvert. Verðlaunin fyrir árið 2024 verða afhent í mars 2025. Fimm manna dómnefnd undir forystu formanns myndlistarráðs, sem að þessu sinni er Ásdís Spanó, fer yfir verkin og velur eitt sem hlýtur viðurkenninguna. 

Ásta Fanney Sigurðardóttir fer sem fulltrúi Íslands á tvíæringinn í myndlist í Feneyjum árið 2026.

Menningarráðuneytið og Myndlistarmiðstöð standa fyrir ráðstefnu um stöðuna á aðgerðum í stefnu um málefni myndlistar á Íslandi. Aðalgestur ráðstefnunnar er Mikkel Bogh, prófessor við Kaupmannahafnarháskóla og fyrrum safnstjóri Þjóðarlistasafns Danmerkur og rektor Listaháskóla Danmerkur. Bogh var einnig fenginn sem erlendur sérfræðingur þegar unnið var að skýrslu um stöðu Listasafns Íslands, sem er ein af 18 aðgerðum myndlistarstefnunnar. Stefnan var sett fram í fyrra og gildir til 2030 og inniheldur átján aðgerðir. Mörgum þeirra er lokið, aðrar eru í vinnslu og á ráðstefnunni verður farið yfir stöðuna á þeim. Ráðstefnan er haldin í Safnahúsinu á Hverfisgötu, mánudaginn 9. desember kl. 15:00-17:00.

Dagskrá

Kynning

Ragnheiður Vignisdóttir, fræðslu- og útgáfustjóri Listasafns Íslands

Ávarp

Lilja Dögg Alfreðsdóttir, menningarráðherra 

Aðalfyrirlesari

Mikkel Bogh, prófessor við Kaupmannahafnarháskóla

Menningarstefna: Endurskilgreining á söfnum í Danmörku og nýr skilningur á safnastarfi og möguleikum þess.  

 Kaffi

Kynning á myndlistarstefnunni

Dorothée Kirch, formaður verkefnahóps um gerð myndlistarstefnu og Hildur Jörundsdóttir, sérfræðingur á skrifstofu menningar og fjölmiðla í menningarráðuneytinu

Aðgerðir Myndlistarmiðstöðvar

Auður Jörundsdóttir, forstöðumaður Myndlistarmiðstöðvar

Aðgerðir Listasafns Íslands

Ingibjörg Jóhannsdóttir, safnstjóri Listasafns Íslands 

Lokadagur sýningar Hildigunnar Birgisdóttur, myndlistarmanns, í íslenska skálanum á Feneyjatvíæringnum er sunnudagurinn 24. nóvember. Sýningin, "Þetta er mjög stór tala, (Commerzbau)", hefur staðið frá 19. apríl og fengið mjög góðar viðtökur. Sýningin verður sett upp í Listasafni Íslands í febrúar á næsta ári. Hildigunnur og Dan Byers, sýningarstjóri, hafa veitt fjölda viðtala á sýningartímanum og má sjá úrval þeirra á vefsíðu Myndlistarmiðstöðvar. Meðal annars birti Louisiana safnið í Danmörku viðtal við Hildigunni á hinum vinsæla miðli sínum Louisiana Channel og CHANEL Connects tók viðtal við hana í þekktum hlaðvarpsþætti. Á þessu sjö mánaða tímabili sem sýningin hefur staðið hafa íslenskir starfsnemar, listamenn og listfræðingar, gætt sýningarinnar, skrifað greinar um áhugaverðar sýningar á tvíæringnum og miðlað þeim í þættinum Víðsjá í Ríkisútvarpinu. Næsti tvíæringur í myndlist verður haldinn í Feneyjum árið 2026. Undirbúningur er þegar hafinn, verið er að undirbúa kynningu á listamanninum sem tekur við kyndlinum af Hildigunni. Tvíæringurinn í Feneyjum er einn mikilvægasti vettvangur samtímalistar á heimsvísu og það er mikill heiður fyrir þann íslenska myndlistarmann sem valinn er til þátttöku á tvíæringnum hverju sinni. Ísland hefur tekið þátt í Feneyjatvíæringnum frá árinu 1960. Myndlistarmiðstöð hefur umsjón með íslenska skálanum fyrir hönd Menningar- og viðskiptaráðuneytisins. 

Fulltrúi Austurríkis á Feneyjartvíæringnum í ár er listakonan Anna Jermolaewa. Hún er fædd í Sovétríkjunum árið 1970 en flúði land nítján ára gömul og kom sér fyrir í Austurríki. Ástæðan var sú að hún var einn af stofnmeðlimum stjórnarandstöðuflokks þar í landi og einn ritstjóra blaðs sem var afar gagnrýnið á ríkjandi stjórnvöld. Jermolaewa og félagar hennar blönduðust þannig í sakamál þar sem þeim var gefið að sök að ýta undir andstöðu við valdhafana og fyrir að dreifa áróðri.

Nú er hægt að leggja til hugmyndir að tilnefningum til Íslensku myndlistarverðlaunanna, sem veitt verða í áttunda skipti í mars. Leitað er eftir hugmyndum að tilnefningum fyrir myndlistarmann ársins og einnig til hvatningarverðlaunanna.

Máttur inngildingar: Starfsemi Listvinnzlunnar og mikilvægi sýnileika fatlaðs listafólks

Seinustu ár hefur verið mikil framþróun þegar kemur að fjölbreytileika og aðgengi innan listheimsins sem sögulega hefur verið heldur einsleitur. Sýningarrými vestræna heimsins hafa nánast einungis verið fyllt af verkum eftir sís og gagnkynhneigða, ófatlaða hvíta karlmenn. Hugarfar þetta hefur þó verið að breytast og batna seinustu áratugi þökk sé einstaklingum og verkefnum sem hafa einbeitt sér að því að vinna að inngildingu innan listheimsins.

Myndlistartvíæringurinn Sequences mun fara fram í tólfta sinn dagana 10. – 20. október 2025. Daría Sól Andrews mun skapa listræna umgjörð hátíðarinnar.  

Myndlistarráð auglýsir eftir útgáfum frá árinu 2024 sem koma til greina fyrir Íslensku myndlistarverðlaunin, í flokknum viðurkenning fyrir útgefið efni.

Myndlistarsýningin Summation - Each Autonomous, and yet Together verður opnuð 24. október 2024 í Felleshus, sameiginlegu húsnæði norrænu sendiráðanna í Berlín í tilefni af 25 ára afmæli sameiginlegs sendiráðahúss Norðurlandanna í Berlín. Tíu listamenn sýna á sýningunni, þar af tveir Íslendingar, þau Ásta Fanney Sigurðardóttir og Ragnar Kjartansson. Sýningarstjóri er Margrét Áskelsdóttir. Sýningin markar tímamót í norrænu samstarfi og stendur til 19. janúar 2025. 

Þessi grein endurspeglar upplifun höfundar af því að heimsækja sýninguna Thresholds á eyjunni La Certosa í Feneyska lóninu. Sýningin er hluti af þýska skálanum í ár í umsjón Çağla Ilk og er til sýnis til 24. nóvember. 

Sum atvik og lýsingar eru uppspuni.

Grísk-íslenska listahátíðin Head2Head fer fram víða um Reykjavík frá 11. október 2024.

Myndlistarmaðurinn Andreas Brunner hefur verið valinn úr hópi umsækjenda til dvalar í gestavinnustofunni Künstlerhaus Bethanien í Kreuzberg hverfinu í Berlín í Þýskalandi. Íslenskt myndlistarfólk og myndlistarfólk með sterka tengingu við íslenskt listalíf hefur síðastliðin fimm ár geta sótt um að dvelja í vinnustofunni. 

Í haustúthlutun myndlistarsjóðs var rúmlega 33 milljónum úthlutað. Ráðherra menningar og viðskipta afhenti styrki úr myndlistarsjóði og formaður myndlistarráðs kynnti nýjan samstarfssamning við Sequences myndlistartvíæringinn við hátíðlega athöfn í Safnahúsinu.  

Ef ég þyrfti að nota eitt lýsingarorð til þess að lýsa Feneyjatvíæringnum sem nú stendur yfir, þá hugsa ég að ég myndi velja orðið frískandi. Ekki misskilja mig, verkin eru á tíðum átakanleg enda er helsta viðfangsefni tvíæringsins í ár barátta margra, ólíkra, jaðarsettra hópa. Ég nota orðið frískandi til þess að lýsa upplifun minni af þessum tiltekna tvíæringi í samhengi við fyrri tvíæringa og fyrir því eru nokkrar ástæður.

Myndlistarmenn geta sótt um ferðastyrki til starfa og sýningahalds erlendis vegna tímabilsins í kringum oktober — janúar . Umsóknarfrestur er 1. október.

Viðarstólpar, kalksteinn, múrsteinar og hvítt berg Istríu-skaga, hráefnin fjögur sem voru notuð til að byggja upp Feneyjar á Ítalíu, stað sem er skráður á Heimsminjaskrá Menningarmálastofnunar Sameinuðu þjóðanna, UNESCO. Það er hér sem ég bý á meðan á tveggja mánaða starfsnámi mínu við 60. Feneyjatvíæringinn stendur yfir. Samtöl fólks bergmála á þröngum götum þar sem líta má sögulegar freskur endurreisnartímans innan um byggingar frá miðöldum. Fegurðin, sem er á stundum yfirþyrmandi, veitir manni innblástur.

Myndlistarmiðstöð auglýsir eftir umsóknum um árslanga vinnustofudvöl í Künstlerhaus Bethanien, Berlín, frá íslensku myndlistarfólki og myndlistarfólki sem hefur sterka tengingu við íslenskt listalíf. Dvalartímabil er frá 1. maí 2025 – 15. apríl 2026.

Myndlist á Íslandi leitar að nýjum aðila í ritstjórn tímaritsins. Sem hluti af þriggja manna ritstjórn mun þessi einstaklingur nýta þekkingu sína og reynslu í að ritstýra og vinna að fimmta tölublaði tímaritsins, sem kemur út í mars 2025. Um er að ræða greidda verktakastöðu sem býður viðkomandi tækifæri til að hafa bein áhrif á efni og þróun tímaritsins. Leitað er að einstaklingi sem er tilbúinn að takast á við og rýna í orðræðu og hugmyndir samtímamyndlistar á Íslandi, sem og í alþjóðlegu samhengi, eða á samskeytum þessara sviða, á skapandi, drífandi og skilvirkan hátt.

Sigurður Guðjónsson opnaði einkasýninguna Scopes of Inner Transit í Francisco Carolinum listasafninu í Linz í Austurríki, föstudaginn 30. ágúst. Sýningin stendur til 12. janúar 2025. Sýningarstjóri er Susanne Watzenboeck. Auk annarra verka eftir Sigurð á sýningunni er verkið Ævarandi hreyfing, sem sýnt var á Feneyjatvíæringnum árið 2022. 

Norræna listamessan CHART fer fram í Kaupmannahöfn helgina 29. ágúst - 1. september í ár. Þessi árlega listamessan verður sett í Charlottenborg við Kóngsins nýjatorg í miðborginni en einnig verða fjöldi viðburða í Tívolígarðinum. Þrjú gallerí á Íslandi taka þátt í messunni og fjöldi listamanna. Markmið messunnar í ár er að leiða saman alþjóðlega þekkta listamenn og nýja kynslóð rísandi stjarna. Á vegum BERG Contemporary sýna myndlistamennirnir Þórdís Erla Zoëga og John Zurier. i8 gallerí sýnir verk eftir tólf listamenn. Það eru Birgir Andrésson, Ingólfur Arnarsson, Ólafur Elíasson, Hreinn Friðfinnsson, Kristján Guðmundsson, Sigurður Guðmundsson, Roni Horn, Callum Innes, Ragnar Kjartansson, Ragna Róbertsdóttir, Karin Sander og Lawrence Weiner. Í bíósal verða ennfremur sýnd viðtöl við Ragnar Kjartansson, Roni Horn, Karin Sander og Sigurð Guðmundsson í samstarfi við Louisiana Channel. Þula gallerí sýnir verk eftir tvo listamenn, þau Áslaugu Írisi Katrínu Friðjónsdóttur og Davíð Örn Halldórsson. Margrét Bjarnadóttir listakona sýnir sviðsverkið PEOPLE PLEASE á Kóngsins nýjatorgi á föstudegi og laugardegi. Með henni verður hópur af fólki sem mun ganga um torgið með mótmælaspjöld með textum eftir Margréti. 

Ég er núna búin að dvelja í Feneyjum í 17 vikur og 2 daga. Á þeim tíma hefur þessi einstaklega óheimilislegi staður náð að verða að heimili mínu. Þegar ég fór frá Íslandi í apríl flutti ég úr íbúð í Hlíðunum sem ég hafði búið í síðastliðin 5 ár. Það er magnað hvað maður nær að sanka að sér drasli á 5 árum. Skúffur af ónýtum raftækjum, batterí sem maður er ekki viss hvort séu notuð. Skór sem lentu svo aftarlega í skápnum að maður gleymdi að maður ætti þá. Hin ýmsu eldhúsáhöld og tupperware box sem gestir hafa skilið eftir og gleymt að sækja í gegnum árin. Nú þegar ég hugsa út í það hef ég aldrei keypt mér tupperware box.

Ég er Íslendingur sem býr í ítalskri borg. Fjarri frá nístingskulda Íslands sleiki ég sólina og gelato. Það er hásumar og ég er umkringd dýrindis mat, drykkjum og umfram allt, list. Samt hefur seinustu dögum verið eytt í hámhorf á sjónvarpsþættinum The Vampire Diaries. 

Áslaug Guðrúnardóttir hefur verið ráðin kynningarstjóri hjá Myndlistarmiðstöð.  

Myndlistarmiðstöð býður upp á fjarvinnustofur fyrir umsóknagerð í myndlistarsjóð.

Melanie Ubaldo hefur verið valin úr hópi umsækjenda til vinnustofudvalar á vegum Myndlistarmiðstöðvar við ISCP í New York.

Dvölin stendur yfir í þrjá mánuði árið 2025. Vinnustofudvölin veitir listamönnum aðgengi að öflugu, alþjóðlegu tengslaneti; sýningarstjórum, safnafólki, blaðamönnum og öðrum sem starfa innan geirans. Auk þess heldur stofnunin utan um sýningarhald, útgáfu og ýmsa viðburði fyrir listamennina sem þar dvelja.

Nú þegar sumarið er komið þá spretta myndlistarsýningar og hátíðir upp víða um land. Gaman að er þræða sýningar hringinn í kringum landið. Hér verður stiklað á stóru í því sem finna má á söfnum, sýningarstöðum og jafnvel utandyra í sumar.

“Venice is like Disneyland” sagði gondólaræðarinn sem stýrði mér um síki Feneyja . Hann var klæddur í bláröndóttan bol, með ræðarahatt skreyttum lillafjólubláum pólíesterborða, eins og hann hafi stokkið úr teiknimynd, skopmynd af eigin menningu. “No one is going to live here in a few years”. Sektarkenndin yfir því að vera túristi í Feneyjum blómstraði í brjósti mér.

Listamennirnir og stjórnarmeðlimir Safnasafnsins Gunnhildur Hauksdóttir og Unnar Örn eru gestir í síðasta þætti Out There hlaðvarpseríunnar sem að Myndlistarmiðstöð hefur staðið að baki síðastliðin þrjú ár. Gunnhildur og Unnar ræða sumar sýningu safnsins sem opnaði nýverið, þar er um að ræða yfir 13 nýjar sýningar.

Safnasafnið, höfuðsafn íslenskrar alþýðulistar, var stofnað 17. febrúar árið 1995, af hjónunum Níelsi Hafstein myndlistarmanni og Magnhildi Sigurðardóttur geðhjúkrunarfræðingi. Hafa þau byggt upp myndarlega sýningaraðstöðu sem samanstendur af gamla barnaskólanum, sem jafnframt var þinghús Svalbarðshrepps, og kaupfélagshúsinu Gömlu-Búð sem reist var árið 1900 á Svalbarðseyri en flutt á safnlóðina 2006 og endurgert. Voru þessi tvö virðulegu hús síðan tengd saman með glæsilegri viðbyggingu og safnið opnað í núverandi mynd 2007 með 10 misstórum sölum og alls 474 fermetra sýningarrými. Stofnendum Safnasafnsins hefur á tveimur áratugum tekist það sem ólíklegt þótti, að færa alþýðulistina af jaðrinum inn að miðju og lokka jafnframt skólaða nútímalistamenn til heilladrjúgs samstarfs.

Umsóknarfrestur fyrir haustúthlutun myndlistarsjóðs 2024 er til kl. 16 mánudaginn 19. ágúst.

Þema Feneyjatvíæringsins að þessu sinni Stranieri Ovunque eða Ókunnugir alls staðar, í sýningarstjórn Adriano Pedrosa, skoðar þá átakanlegu almennu upplifun að vera einhvern veginn ‘utanaðkomandi’. Óvelkominn, útskúfaður, öðruvísi. Ítalska orðið straniero, sem þýðir á góðri íslensku útlendingur, kemur af orðinu strano sem getur þýtt annars vegar ókunnugur en hinsvegar skrítinn, eða undarlegur. Verkin á sýningunni fjalla því mörg hver um upplifun hinna ýmsu jaðarhópa; innflytjendur, hinsegin fólk, fatlað fólk, frumbyggja, fólk á flótta, fólk af hinum ýmsu kynþáttum sem hefur verið haldið niðri. Verkin eru því jafnvel oftar en ekki komandi frá listafólki sem er að skapa út frá sínum erfiðustu upplifunum og upp úr sínum sárustu sálarfylgsnum. Sýningin í ár er þar af leiðandi að mörgu leyti nokkuð þungbær og skilur mann ítrekað eftir með andvarp í brjósti og djúpstæða vonleysistilfinningu. En mín upplifun hefur einmitt alltaf verið sú að sterkustu verkin eru þau sem hafa áhrif á sálarlífið þitt. Láta þig finna fyrir einhverju. 

Listahátíð mun fara fram í 29 sinn, frá 1.-16 júní. Dagskráin er stútfull með 38 fjölbreyttum myndlistarsýningum, sviðsverkum og tónleikum á höfuðborgarsvæði og víðsvegar um landið.

Árið 2025 mun Huet Repolt residesían í Belgíu bjóða íslenskum listamanni búsettum á Íslandi til vinnustofudvalar. 

Feneyjartvíæringurinn er haldinn í 60 skipti í ár og er þema og titill hátíðarinnar Ókunnugir alls staðar (e. Foreigners Everywhere). Á samsýningum sýningarsvæðanna Arsenale og Giardini sem og í skálum þjóða er því víða varpað ljósi á fólksflutninga en einnig á hefðir og lifnaðarhætti innfæddra hvers lands. Þá nýta listamenn trúarhætti og hefðir í myndlistinni sem er til sýnis á Tvíæringnum til þess að skilgreina upplifun þeirra og auðkenni sem part af ákveðnum þjóðarhópi eða samfélagshópi. 

Myndlistarmenn geta sótt um ferðastyrki til starfa og sýningahalds erlendis vegna tímabilsins í kringum júní — september 2024. Umsóknarfrestur er 1. júní.

Heiðar Kári Rannversson, listfræðingur og sjálfstætt starfandi sýningarstjóri, er gestur í nýjasta þætti Out There og ræðir þar nýleg verkefni. Hann var deildarstjóri við Nordatlantens Brygge í Kaupmannahöfn frá 2018-2022 og verkefnastjóri fræðslu og viðburða á Listasafni Reykjavíkur frá 2013-2016. Undanfarin tíu ár hefur Heiðar Kári unnið fjölmörg rannsóknar- og sýningarverkefni fyrir innlendar og erlendar liststofnanir, m.a. Nýlistasafnið, Hafnarborg, Listasafn Íslands og Myndlistarmiðstöð. Þá hefur hann sinnt stundakennslu við Háskóla- og Listaháskóla Íslands um árabil. Heiðar Kári hlaut MA próf í listrannsóknum frá Háskólanum í Amsterdam árið 2012 eftir BA nám í Listfræði við Háskóla Íslands og Arkitektúr við Konunglega Listaháskólann í Kaupmannahöfn. Hann hefur verið formaður Listfræðafélags Íslands frá árinu 2023.

Myndlistarmiðstöð auglýsir til umsóknar styrk til þriggja mánaða vinnustofudvalar við International Studio & Curatorial Program (ISCP) í New York

Stjórn Myndlistarmiðstöðvar hefur lagt línurnar varðandi val á næsta fulltrúa Íslands á Feneyjatvíæringnum í myndlist sem haldinn verður 2026.

Að þessu sinni verður kallað eftir tilnefningum frá fagfólki og hópum á sviði myndlistar, þ.e. félögum í fulltrúaráði Myndlistarmiðstöðvar og nokkrum öðrum samtökum að auki til að freista þess að fá inn fjölbreyttar tillögur.

Hildigunnur Birgisdóttur er fulltrúi Íslands á Feneyjatvíæringnum, alþjóðlegu myndlistarsýningarinnar sem nú er haldin í sextugasta sinn.

Úthlutun úr myndlistarsjóði fór fram fimmtudaginn 4. apríl við hátíðlega athöfn. Sigrún Brynja Einarsdóttir, ráðuneytisstjóri menningar- og viðskiptaráðuneytisins afhenti styrkina. Alls hlutu 63 verkefni brautargengi að þessu sinni en úthlutað var 40.800.000 kr. Sjóðnum bárust 283 umsóknir og sótt var um styrki fyrir rúmlega 300 milljónum króna.

Sýning Unu Bjargar Magnúsdóttur opnar í Künstlerhaus Bethanien 11. apríl næstkomandi í Berlín. Sýningin markar lok eins árs vinnustofudvalar hennar við KB.

Það var margt um manninn í Iðnó þegar Íslensku myndlistarverðlaunin voru afhent í sjöunda skipti þann 14. mars. Myndlistarráð stendur að baki verðlaunanna sem hafa það að meginmarkmiði að vekja athygli á því sem vel var gert á sviði myndlistar á liðnu ári.

Safnasafnið og Nýlistasafnið leiða saman hesta sína í samstarfi við Norræna húsið og blása til málþings um söfnun á jaðrinum, umhverfi safna með sértæk markmið og söfnunargildi – hvert hlutverk þeirra sé innan vistkerfi lista og hvert þau stefna.

Tinna Guðmundsdóttir, listamaður og verkefnastjóri, ræðir við Becky og Tinnu um íslensku myndlistarverðlaunin sem hún tekur þátt í að verkefnastýra.

Það er með mikilli gleði og tilhlökkun sem myndlistarráð opinberar tilnefningar til Íslensku myndlistarverðlaunanna árið 2024.

Verðlaunin verða afhent í sjöunda sinn þann 14. mars næstkomandi við mikinn fögnuð í Iðnó.

Íslensku myndlistarverðlaunin fara fram í sjöunda sinn þann 14. mars næstkomandi í Iðnó.

Viðburðurinn hefst með gjörningum og fordrykk kl. 19:30, athöfnin byrjar kl. 20:00.

Fyrsti gestur ársins 2024 í fyrirlestraröðinni Umræðuþræðir er Dr. Sabeth Buchmann, prófessor í nútíma- og póstmódernískri listasögu við Listaháskólann í Vínarborg.  Erindi hennar ber yfirskriftina Infrastructure on Trial.  Fyrirlesturinn fer fram á ensku.

Vegna kerfisbilunar hefur umsóknarfrestur í myndlistarsjóð verið framlengdur til þriðjudagsins 13. febrúar kl. 16:00.

Una Björg Magnúsdóttir sýnir okkur hina hliðina á peningnum í vinnustofu sinni í Künstlerhaus Bethanien. Una hlaut árs vinnustofudvöl á vegum Myndlistarmiðstöðvar hjá  í Künstlerhaus Bethanien í Berlín. Þar mun Una opna sýningu í apríl næstkomandi.

Egill Sæbjörnsson er gestur hlaðvarpsins Out There. Egill ræðir um einkasýningu sína á Listasafni Íslands. Einnig ræða Becky og Tinna sýningu Hildar Hákonardóttur Rauður þráður og innsetningu Nermine El Ansari í Skaftfell Myndlistarmiðstöðinni frá því á síðasta ári.

Myndlistarmiðstöð býður áhugasömum aðilum upp á ráðgjöf við gerð umsókna og aðstoð við framsetningu á upplýsingum.

Í janúarlok á Myndlistarmiðstöð von á brasilíska sýningarstjóranum Isabella Rjeille í heimsóknardagskrá Myndlistarmiðstöðvar. Árlega tekur miðstöðin á móti fagfólki hvaðanæva að úr heiminum með það að markmiði að kynna sýningarstjórum og öðru fagfólki íslenska myndlist.

Umsóknarfrestur: 1. febrúar

Umsóknarfrestur fyrri úthlutunar úr árið 2024 er til kl. 16:00 mánudaginn 12. febrúar. Hlutverk myndlistarsjóðs er að veita verkefnastyrki til undirbúnings verkefna og til að auðvelda framkvæmd verkefna á sviði listsköpunar og listrannsókna.

Frá 1. janúar hefur verkefnið Auglýsingahlé verið til sýnis á öllum auglýsingaskjáum Billboard á höfuðborgarsvæðinu. Þetta er í þriðja sinn sem sýning Billboard á sér stað og í ár varð listamaðurinn Haraldur Jónsson fyrir valinu með verkið Ummyndanir. Sýningin mun taka enda í dag með þriðja og síðasta kafla verksins. Verkið hverfist um ummyndanir kunnuglegra fyrirbæra úr tíðarandanum sem líða síkvikar um loftið þegar heimurinn er tímabundið opinn í báða enda um áramót. Það er skuggsjá sem ofin er úr brotakenndum skilaboðum, hnitum, hugljómunum og óvæntum tilboðum úr undirvitundinni.

Auglýsingahlé er samstarfsverkefni Billboard, Y gallery og Listasafni Reykjavíkur. Verkefnið er frábær vettvangur fyrir myndlist í almenningsrými og er því ætlað að lýsa upp skammdegið og gefa borgarbúum tækifæri á að njóta listar um alla borgina.

Á tíu ára afmælisári myndlistarráðs er vert að líta yfir farinn veg. Á tímabilinu hefur ráðið staðið að ýmsum veigamiklum breytingum og tekið þátt í að þróa myndlistarmenningu landsins. Á vormánuðum leit ný myndlistarstefna dagsins ljós en unnið hefur verið að stefnunni á síðastliðnum árum. Það voru því mikil gleðitíðindi fyrir íslenskt myndlistarlíf þegar þingsályktunartillaga Lilju Daggar Alfreðsdóttur, menningar- og viðskiptaráðherra, um myndlistarstefnu til ársins 2030 var samþykkt á Alþingi þann 10. maí síðastliðinn.

Hekla Dögg Jónsdóttir er gestur hlaðvarpsins Out There. Hekla ræðir um nýopnaða yfirlitssýningu sína 0° 0° Núlleyja á Listasafni Reykjavíkur – Kjarvalsstöðum.

Óskað eftir tillögum að tilnefningum til verðlaunanna Myndlistarmaður ársins og Hvatningarverðlaun ársins.

Í tilefni af Sequences myndlistarhátíðinni tekur gestastjórnandi þáttarins Tereza Eyrún Hofová viðtöl við gjörningalistamenn sem fram koma á hátíðinni.

Myndlistarhátíðin Sequences hófst 13. október. Hátíðin hefur aldrei verið jafn stór en yfir 50 listamenn komu að henni að þessu sinni.

Nýverið ferðaðist farandsýningin Outside Looking In, Inside Looking Out til Finnlands og var sett upp sendiráðsbústað Íslenska sendiráðsins í Helsinki. Formleg opnun var fimmtudaginn 12. október og voru fjölmargir viðstaddir.

Myndlistahátíðin Sequences fer af stað í ellefta skipti og býður upp á myndlistarsýningar, gjörninga, tónleika, kvikmyndasýningar og almennt hátíðarhald! Hátíðin hefur aldrei verið jafn stór en yfir 50 listamenn koma saman á hátíðinni og spannar hún 10 daga, 13.-22. október. Sýningarnar munu standa opnar almenning að kostnaðarlausu til 26 nóvember.

Seinni úthlutun myndlistarsjóðs á þessu ári er lokið. Í þessari lotu úthlutar myndlistarráð 26,1 milljón til 45 verkefna víðsvegar á landinu sem og erlendis. Sjóðnum bárust að þessu sinni 166 umsóknir og sótt var um styrki fyrir rúmlega 195 milljónum króna.

Steinunn Önnudóttir hefur verið valin til vinnustofudvalar við Künstlerhaus Bethanien.

Í þættinum tala Becky og Þórhildur Tinna við myndlistarmanninn Ragnar Kjartansson og fara þau yfir tilfinningaskalann sem er að finna í listsköpun hans sem spannar fjölmargar tilfinningar á borð við ástina, óttan, kaldhæðnina og einlægnina

A! Gjörningahátíð fer fram á Akureyri 5.-8. október næstkomandi. A! er fjögurra daga alþjóðleg gjörningahátíð sem haldin er árlega og nú í níunda sinn. Ókeypis er inn á alla viðburði.

Billboard efnir til opinnar samkeppni um myndlistarverk í almenningsrými í samstarfi við Y gallery og Listasafn Reykjavíkur. 

Í þættinum greina Becky og Tinna sýninguna For Those Who Couldn’t Cross the Sea í samtali við Elham Fakouri og Sabina Westerholm forstjóra Norræna hússins.

Myndlistarhátíðin Sequences verður haldin í ellefta skipti dagana 13. -22. október í Reykjavík og ber að þessu sinni yfirskriftina „Get ekki séð“ (e. Can’t See).

Icelandic visual artists, or artists with a significant connection to the Icelandic art scene, can apply for a funded one-year residency in Berlin. The residency period is May 1, 2024 – April 15, 2025.

Umsóknarfrestur seinni úthlutunar úr myndlistarsjóði árið 2023 er til kl. 16:00 mánudaginn 21. ágúst.

Hið langþráða, en jafnframt stutta, sumar á Íslandi er gengið í garð. Eins og hefð er fyrir eykst úrval töluvert af myndlistarsýningum víðsvegar um landið á þessum tíma enda er tilvalið að ferðast um landið og skoða list og njóta þegar veðrið tekur að skána.

Nýr þáttur af Out There hlaðvarpi Myndlistarmiðstöðvar er kominn út! Sigurður Guðmundsson er gestur Becky og Tinnu í nýjasta þættinum þar sem hann ræðir allt frá ARS LONGA samtímalistasafn / contemporary art museum til SÚM hópsins forðum daga.

Listamaðurinn Einar Falur Ingólfsson hefur síðastliðið ár unnið að skrásetningu veðursins sem hluti af alþjóðlega samstarfsverkefninu World Weather Network. Kjarni verkefnisins er að nota aðferðir lista til að kortleggja og vekja athygli á veðurfarsbreytingum í tengslum við loftslagsvánna með það að leiðarljósi að opna á nýjar leiðir til að fylgjast með, hlusta á og lifa með veðrinu.

Kristín Helga Ríkharðsdóttir hefur verið valin úr hópi umsækjenda til þriggja mánaðar vinnustofudvalar á vegum Myndlistarmiðstöðvar við International Studio & Curatorial Program (ISCP) í New York.

Ferðasýningin Outside looking in, inside looking out í sýningarstjórn Heiðars Kára Rannverssonar verður á ferð og flugi um heiminn næstu tvö árin. Sýningin er samstarfsverkefni Myndlistarmiðstöðvar, Íslandsstofu og sendiskrifstofa Íslands víða um heim og er ætlað að kynna nýja kynslóð myndlistarmanna frá Íslandi.

Dagana 13.-22. október næstkomandi fer alþjóðlega Seqences myndlistarhátíðin fram í Reykjavík í ellefta skipti. Yfirskrift hátíðarinnar er „Can´t See“ og samanstendur dagskráin meðal annars af sýningum, gjörningum, fyrirlestrum, gönguferðum. Seqences XI mun leiða saman gesti á árstíðaskiptum, þegar daginn tekur að stytta, og þjóna sem vettvangur til orku- og skoðanaskipta.

Á Sequences-hátíðinni í október 2021 flutti listamannatríóið Lucky 3 magnaðan gjörning. Þá skúruðu þau Darren Mark, Dýrfinna Benita Basalan og Melanie Ubaldo gólfið í listamannarekna sýningarrýminu OPEN í átta klukkustundir samfleytt og sögðu aðeins öðru

Nýr Landspítali ohf. (NLSH) býður myndlistarmönnum að taka þátt í forvali að lokaðri samkeppni um varanleg útilistaverk.

Fulltrúi Íslands á Feneyjartvíæringnum árið 2022, , sýnir í sumar umfangsmikla innsetingu í . Sýningin ber titilinn „Leiðni leiðir“ og yfirtekur 2000 fm sýningarrýmið. Í aðdraganda sýningarinnar ræddi Sigurður við Jóhannes Dagsson, heimspeking um intakk verksins, tíma og orku.

Stockholm Art Week er í fullum gír þessa dagana með fjölbreyttum viðburðum, þar með talið Market Art Fair sem fer fram 12-.14 maí á tveimur stöðum í Stokkhólmi.

Í tilefni af 50 ára afmæli vígslu Kjarvalsstaða undirbýr Listasafn Reykjavíkur sýninguna Myndlistin okkar þar sem valin verk út safneign verða til sýnis.

Valferlið er opið öllum og hægt er að taka þátt í opinni kosningu í gegnum gáttina: https://betrireykjavik.is/community/9179

Kosningin stendur yfir til 1. júní n.k. og er hægt að velja eins mörg listaverk og hver vill.

Þau verk sem fá flest atkvæði verða sett upp á sýningunni Myndlistin okkar sem opnar á Kjarvalsstöðum á Menningarnótt þann 19. ágúst.

Auglýst eftir starfsnemum í tengslum við verkefnið Borderland Poetics. Umsækjendur þurfa vera frá eða hafa lögheimili í Eistlandi, Íslandi og Litháen.

Fyrri úthlutun myndlistarsjóðs ársins er lokið. Í þessari lotu úthlutar myndlistarráð 32 milljónum og var þeim veitt til 61 verkefnis víðsvegar á landinu og erlendis.

Sýning Önnu Júlíu Friðbjörnsdóttur I will keep close to you opnar nú á dögunum í Berlín í myndlistarmiðstöðinnni Künstlerhaus Bethanien. Sýningin sem opnar 8. apríl markar lok eins árs vinnustofudvalar hennar við KB. Vinnustofudvölin veitti Önnu aðgengi að öflugu, alþjóðlegu tengslaneti; sýningarstjórum, safnafólki, blaðamönnum og öðrum sem starfa innan geirans. Auk þess hefur Bethanien haldið utan um sýningarhald, útgáfu og ýmsa viðburði fyrir hana. Anna Júlía hugsar til baka um árið sem að hún hefur dvalið í Berlín og segir okkur hvaða merkingu vinnustofudvölin hefur haft fyrir hana. Hún ræðir hvernig hún hefur notið þess að búa og starfa þar og hvað hún sé þakklát fyrir meiri tíma til einbeita sér algerlega að sinni vinnu.

Myndlistarmiðstöð auglýsir til umsóknar þriggja mánaða vinnustofudvöl við International Studio & Curatorial Program (ISCP) í New York. Dvölin stendur frá júní – ágúst 2024.

Í þættinum ræða Becky og Tinna við vinnustofumeðlimi OPEN Örn Alexander og Arnar Ásgeirsson um starfsemi vinnustofunnar sem sýningarstaðar sem hugsar um eyðurnar á faglegum myndlistarvettvangi hér á landi.

Afhending Íslensku myndlistarverðlaunanna fór fram í sjötta skipti fimmtudaginn 16. mars við hátíðlega athöfn í Iðnó.

Aðalverðlaunin féllu í skaut Hrafnkels Sigurðssonar fyrir sýninguna Upplausn í Auglýsingahléi Billboard, í samstarfi við Listasafn Reykjavíkur og Y gallerí.

Horft til framtíðar er ráðstefna þar sem velt verður upp hugmyndum, draumórum og væntingum okkar myndlist framtíðarinnar. Í kjölfar þess að myndlistarstefna stjórnvalda er í ferli og mun líta dagsins ljós á næstu vikum eða mánuðum var ákveðið að skapa vettvang þar sem við veltum fyrir okkur myndlistarumhverfinu frá ýmsum sjónarhornum og til lengri tíma. Við munum spyrja spurninga, minna okkur á það sem skiptir máli, hvað við getum gert til að efla myndlistina og vonandi sjá hluti í nýju ljósi.

Þann 16. mars næstkomandi verða Íslensku myndlistarverðlaunin afhent við hátíðlega athöfn í Iðnó. Verðlaunin hafa verið veitt árlega síðan 2018 og hafa skipað sér mikilvægan sess í menningarlandslaginu. Markmið verðlaunanna er að heiðra íslenska myndlistarmenn eða myndlistamenn sem búsettir eru á Íslandi og vekja athygli á því sem vel er gert á sviði myndlistar en jafnframt veita einstaka myndlistamönnum mikilvæga viðurkenningu og hvetja til nýrrar listsköpunar. Myndlistarráð stendur að baki myndlistarverðlaunanna.

Nýi þátturinn fjallar um sýninguna Að rekja brot í samtali við sýningstjóra sýningarinnar Daríu Sól Andrews og safnstjóra Gerðarsafns Brynju Sveinsdóttur.

Eitt af verkefnum Myndlistarmiðstöðvarinnar er að bæta upplýsingagjöf innanlands um valkosti í fjármögnun verkefna og tækifæri í faginu.

Nýlega fluttist myndlistarkonan Anna Júlía Friðbjörnsdóttir tímabundið frá Reykjavík til Berlínar. Tilefnið var styrkur til ársdvalar í virtu þýsku gestavinnustofunni Künstlerhaus Bethanien, stofnuð 1975.

Umsóknarfrestur fyrri úthlutunar úr myndlistarsjóði árið 2023 er til kl. 16:00 mánudaginn 20. febrúar. Hlutverk myndlistarsjóðs er að veita verkefnastyrki til undirbúnings verkefna og til að auðvelda framkvæmd verkefna á sviði listsköpunar og listrannsókna.

Dagana 1.– 3. janúar 2023 verður Auglýsingahlé á yfir 450 stafrænum flötum Billboard um allt höfuðborgarsvæðið. Þessi tími verður helgaður sýningu á nýju verki eftir myndlistarmanninn Sigurð Ámundason sem valinn var úr hópi yfir 40 umsækjenda. Listamaðurinn fær 1.000.000 kr greiddar fyrir verkið sem verður að sýningartíma loknum gefið í safneign Listasafns Reykjavíkur. Jafnframt er stefnt að því að verkið verði áfram sýnilegt í almenningsrými í borginni að loknu Auglýsingahléi Billboard.

Síðastliðið ár hefur bókaútgáfa í tengslum við myndlist verið þróttmikil. Listasöfnin, sýningarstaðir og listamenn hafa gefið út fjölbreytta flóru í samstarfi við ýmiss bókaforlög.

Íslensku myndlistarverðlaunin verða veitt í sjötta skipti í mars 2023. Eins og áður óskar myndlistarráð eftir tillögum. Veitt verða tvenn verðlaun: Myndlistarmaður ársins og Hvatningarverðlaun ársins.

Í aðdraganda jólahátíðarinnar er hefð fyrir því að sýningarstaðir opni sérstakar sýningar með fjölbreyttu úrvali verka. Í ár er engin undantekning og er fjölbreytnin í fyrirrúmi.

Hildigunnur Birgisdóttir hefur verið valin fulltrúi Íslands á Feneyjatvíæringnum í myndlist sem haldinn verður í sextugasta sinn árið 2024. Tvíæringurinn er einn mikilvægasti vettvangur samtímalistar á heimsvísu og það er mikill heiður fyrir þann myndlistarmann sem valinn er til þátttöku á tvíæringnum hverju sinni. Þátttaka Íslands á Feneyjatvíæringnum hófst árið 1960 og hafa margir fremstu listamenn þjóðarinnar sýnt þar m.a. Jóhannes Kjarval, Ragnar Kjartansson, Hrafnhildur Arnardóttir, Rúrí og Egill Sæbjörnsson. Kynningarmiðstöð íslenskrar myndlistar hefur líkt og undanfarin ár umsjón með íslenska skálanum fyrir hönd Menningar- og viðskiptaráðuneytisins.

Við viljum þakka öllum þeim sem sóttu sýningu Íslenska skálans á Feneyjatvíæringnum síðastliðna mánuði. Skrifstofur Feneyjatvíæringsins tilkynntu nýverið að aðsóknartölur á 59. alþjóðlegu myndlistarsýninguna hafa aldrei verið hærri í 127 ára sögu tvíæringsins. Sem eru miklar gleðifréttir þar sem Íslenski skálinn var staðsettur í fyrsta sinn í Arsenale, einu af tveim aðalsvæðum tvíæringsins.

Nú sýna nokkrir íslenskir listamenn fyrir utan landsteinanna.

Tíðarandi týndra radda innfæddra á tvíæringnum fá hljómgrun​n​​, en heyrum við raunverulega í þeim?

Myndlistarráð veitir árlega Íslensku myndlistarverðlaunin og veitir á sama tíma viðurkenningu fyrir útgefið efni, áhugaverðustu samsýninguna og áhugaverðasta endurlitið. Markmið verðlaunanna er að heiðra íslenska myndlistarmenn, eða myndlistamenn sem búsettir eru á Íslandi, og vekja athygli á því sem vel er gert á sviði myndlistar.

Myndlist á Íslandi leitar að röddum, textahöfundum, rithöfundum, listamönnum og gagnrýnum hugsuðum til að skrifa í blaðið.

Í fyrsta sinn í 121 árs sögu Feneyjartvíæringsins eru fleiri kvenkyns listamenn heldur en karlkyns listamenn í aðalsölum hátíðarinnar. Þá eru yfir 80% kvenkyns listamenn og einnig lítill fjöldi hinsegin, kynsegin og trans listamanna að sýna listaverk á hátíðinni í ár. Hvernig er birtingarmynd þessa minnihlutahópa í verkunum á hátíðinni og hvers vegna skiptir sú birtingarmynd yfirhöfuð máli?

Í seinni úthlutun myndlistarsjóðs fengu 69 verkefni styrk. Sjóðnum bárust 162 umsóknir og sótt var um fyrir tæpum 159 milljónum. Alls var úthlutað 47 milljónum.

Una Björg Magnúsdóttir hefur verið valin úr hópi umsækjenda til árs vinnustofudvalar á vegum Kynningarmiðstöðvar íslenskrar myndlistar við Künstlerhaus Bethanien í Berlín.

Billboard efnir til opinnar samkeppni um myndlistarverk í almenningsrými í samstarfi við Y gallery og Listasafn Reykjavíkur.

Dagana 11.-24. september taka nokkrir íslenskir listamenn þátt í samsýningunni „Tectonic Threads“ í Mana Contemporary, 888 Newark Avenue, New York. Listamenn sem eiga verk á sýningunni eru: Sigi Ahl, Fanny Allié, Elodie Blanchard, Hildur Bjarnadottir, Joy Curtis, Ingunn Fjola Ingthorsdottir, Ragna Froda, Asta Gudmundsdottir, Ragnheidur Gudmundsdottir, Heidi Hankaniemi, Elana Herzog, Victoria Manganiello, Luam Melake, Jessie Mordine Young, Maria Elena Pombo, Courtney Puckett, Anna Thora Karlsdottir, Thuridur Ros Sigurthorsdottir, Shoplifter, Janis Stemmermann, Thorbjorg Thordardottir.

Gerð hefur verið opinber skipun menningar- og viðskiptamálaráðherra í nýtt myndlistarráð sem tekur til starfa nú síðsumars. Skipunartímabil nefndarmanna er til þriggja ára í senn, eða til 30. júní 2025.

Reykelsis athöfnin „Að brenna, skógur, eldur” samanstendur af ilmi úr fyrsta skóginum á jörðinni, fyrir 385 milljónum ára og ilmi úr síðasta skóginum á tímum loftlagsvárinnar. Þessum ilmum hefur verið umbreytt í reykelsi og var kveikt í þeim á mismunandi vettvöngum í Helsinki í september í fyrra.

Ef þú ert í Kaupmannahöfn um helgina þá máttu ekki missa af þeim fjóru galleríum, einum útgefanda og um það bil 9 listamönnum frá Íslandi sem sýna á CHART í ár.

Hin alþjóðlega sýning Feneyjartvíæringsins 2022 ber titilinn Mjólk draumanna (e. Nutrition for a newly born baby cow of Dreams) og er sýningastýrð af Ceciliu Alemani.

Næstu sýningastjórar Sequences eru Marika Agu, Maria Arusoo, Kaarin Kivirähk og Sten Ojavee.

Nú er annar þáttur annarrar seríu ‘Out There’, hljóðvarpi Icelandic Art Center kominn út.

Reglulegar veðurlýsingar Einars Fals frá Vatnasafni hluti af Veðurneti heimsins.

Það er hefð fyrir því í myndlistarheiminum að sýningar og mörg listaverk reiði sig á texta sem leiða áhorfandann inn í verkin. Textaskýringarnar sem fylgja bókmenntum og kvikmyndum gegna því hlutverki að kynna efnið fyrir neytendum, svo þeir geti ákveðið hvort þeir vilji lesa bókina eða sjá myndina.

Umsóknarfrestur er til kl. 16:00 mánudaginn 22. ágúst 2022. Um er að ræða seinni úthlutun úr sjóðnum á árinu en úthlutað verður í septembermánuði.

Á ferð minni um sýningar og þjóðarskála 59. útgáfu Feneyjartvíæringsins tók ég eftir sterku þema sem endurspeglar með afgerandi hætti hvað er í gangi utan “listheimsins”.

Kynningarmiðstöð íslenskrar myndlistar gengur til liðs við brautryðjendasamtök listafólks og rithöfunda í 28 löndum um víða veröld sem saman mynda World Weather Network til að bregðast við loftslagskrísunni.

Myndbandsverk á Feneyjatvíæringnum: Hvort njóta þau sín betur á listasýningu eða á stóra tjaldinu?

Fimmtudaginn 19. maí opnaði einkasýning Elínar Hansdóttur í Kunstlerhaus Bethanien.

Myndlistarráð úthlutar 47 milljónum í styrki til 85 verkefna í fyrri úthlutun sjóðsins. Sjóðnum bárust 198 umsóknir og sótt var um fyrir rúmum 221 milljónum.

Íslensku myndlistarverðlaunin voru veitt í fimmta sinn við hátíðlega athöfn fimmtudagskvöldið 17. mars í Iðnó. Veitt voru tvenn verðlaun auk fjögurra viðurkenninga. Við óskum verðlaunahöfum hjartanlega til hamingju!

Íslensku myndlistarverðlaunin eru veitt í tveimur flokkum: Myndlistarmaður ársins og hvatningarverðlaun ársins. Myndlistarráð stendur nú í fimmta skipti að úthlutun Íslensku myndlistarverðlaunanna en markmiðið er að heiðra íslenska myndlistarmenn, eða myndlistarmenn sem búsettir eru á Íslandi, og vekja athygli á því sem vel er gert jafnframt því að hvetja til nýrrar listsköpunar. Greint verður frá því hverjir hjóta Myndlistarverðlaun ársins og hver hlýtur Hvatningarverðlaun ársins fimmtudaginn 17. mars 2022 í Iðnó.

Umsóknarfrestur er til kl. 16:00 mánudaginn 14. febrúar 2022. Um er að ræða fyrri úthlutun úr sjóðnum á árinu en úthlutað verður í marsmánuði.

Nú í byrjun árs opnaði Hrafnhildur Arnardóttir / Shoplifter ásamt Lilju Baldursdóttur Höfuðstöðina sem er staðsett í gömlu kartöflugeymslunum við Ártúnsbrekkur.

Opnað hefur verið fyrir tillögur til Íslensku myndlistarverðlaunanna 2022.

Myndlist á Íslandi leitar að röddum, textahöfundum, rithöfundum, listamönnum og gagnrýnum hugsuðum til að skrifa í blaðið. Fyrir aðra útgáfu blaðsins leitum við að tillögum að efni sem bregst við eða byggir frekar á hugmyndum sem birtust í fyrstu útgáfu Myndlistar á Íslandi. 

Myndlistarráð úthlutar 43 milljónum í styrki til 59 verkefna í seinni úthlutun sjóðsins. Sjóðnum bárust 163 umsóknir og sótt var um fyrir rúmum 141 milljónum.

Kling & Bang í Reykjavík og A – DASH í Aþenu standa að myndlistarhátíðinni HEAD2HEAD sem opnar í Aþenu 5.-7. nóvember 2021.

Samtök skapandi greina eru breiður samráðsvettvangur, sem ætlað er að vinna að sameiginlegum hagsmunum og standa vörð um þessar greinar á Íslandi. Er þar átt við listir, sköpun, hugverk og menningu, sem og atvinnu- og viðskiptalíf sem af þeim skapast.

Anna Júlía Friðbjörnsdóttir hefur verið valin úr hópi umsækjenda til árs vinnustofudvalar á vegum Kynningarmiðstöðvar íslenskrar myndlistar við Künstlerhaus Bethanien í Berlín. Dvölin stendur frá vori 2022-2023.

„Kominn tími til“ er yfirskrift tíundu Sequences hátíðarinnar sem haldin verður dagana 15.-24. október næstkomandi. Vísar yfirskrift hátíðarinnar í það samfélagsrými augnabliksins sem hátíðin skapar sér hverju sinni. Yfir 35 listamenn taka þátt.

Umsóknarfrestur er til kl. 16:00 mánudaginn 23. ágúst 2021. Um er að ræða seinni úthlutun úr sjóðnum á árinu en úthlutað verður í septembermánuði.

Á ferð um landið er upplagt að skoða eitthvað af þeim fjölmörgu myndlistarsýningum sem standa nú yfir um land allt. Fyrir þau sem eru í borginni má leggja leið sína á Listasafn Íslands og njóta verksins Sumarnótt eftir Ragnar Kjartansson, verkið er sjö rása vídeóverk sem tekið er á íslenskri nótt, þegar aldrei dimmir.

María Dalberg sem dvalið hefur á vinnustofu Künstlerhaus Bethanien í Berlín opnar einkasýningu sína föstudag 11. júní. Sýningin er vídeóinnsetning og ber titilinn „Uncontainable truth“. Sýningin stendur frá 11.06. – 11.07.2021

Myndlistarmenn ársins 2021, Libia Castro og Ólafur Ólafsson og Una Björg Magnúsdóttir, handhafi Hvatningarverðlauna ársins, í samtali við Val Brynjar Antonsson

Myndlistarráð úthlutar 40 milljónum í styrki til 87 verkefna í fyrri úthlutun sjóðsins á þessu ári. Sjóðnum bárust 261 umsókn og sótt var um fyrir rúmum 274 milljónum alls. Umtalsverð aukning var á umsóknum eða 44% aukning á milli ára.

Libia Castro og Ólafur Ólafsson hlutu Myndlistarverðlaun ársins 2021fyrir verkið Í leit að töfrum – Tillaga að nýrri stjórnarskrá fyrir lýðveldið Ísland, í Listasafni Reykjavíkur, Hafnarhús og á götum úti við Stjórnarráð og Alþingi Íslands, 3. október 2020 í samstarfi við Listahátíðina Cycle og Listahátíð í Reykjavík.

Í fyrsta skipti veitti myndlistarráð Heiðursviðurkenningu ásamt viðurkenningu fyrir útgefið efni sem talið er hafa mikilvægt gildi fyrir kynningu og rannsóknir á íslenskri myndlist.

Íslensku myndlistarverðlaunin eru veitt í tveimur flokkum: Myndlistarmaður ársins og hvatningarverðlaun ársins. Myndlistarráð stendur nú í fjórða skipti að úthlutun Íslensku myndlistarverðlaunanna en markmiðið er að heiðra íslenska myndlistarmenn, eða myndlistarmenn sem búsettir eru á Íslandi, og vekja athygli á því sem vel er gert jafnframt því að hvetja til nýrrar listsköpunar.

Umsóknarfrestur er til miðnættis 18. febrúar 2021. Um er að ræða fyrri úthlutun úr sjóðnum á árinu en tilkynnt verður um úthlutun styrkja í marsmánuði.

Opnað hefur verið fyrir tillögur til Íslensku myndlistarverðlaunanna 2021.

Ákveðið hefur verið að færa sýningarsvæði Íslands á Feneyjartvíæringnum 2022 á Arsenale, aðalsvæði hátíðarinnar, og hefur mennta- og menningarmálaráðuneyti tryggt fjármagn til þess. Þá mun Íslandsstofa leggja fjármagn til kynningar á þátttöku Íslands í samvinnu við Kynningarmiðstöð íslenskrar myndlistar. Í kringum sexhundruð þúsund gestir heimsækja að jafnaði það svæði sem þýðir að gestafjöldi í íslenska skálanum geti nær tuttugufaldast frá því sem verið hefur síðastliðin ár.

Myndlistarráð úthlutar 22 millj. kr. í styrki til 74 verkefna í seinni úthlutun sjóðsins 2020.

Sjóðnum bárust 171 umsókn og sótt var um í sjóðinn fyrir rúmlega 124 millj. kr.

Opnað hefur verið fyrir umsóknir í myndlistarsjóð. Umsóknarfrestur er til miðnættis 20. ágúst 2020. Um er að ræða seinni úthlutun úr sjóðnum á árinu en úthlutað verður í septembermánuði.

Myndlistarsjóður hefur úthlutað styrkjum að upphæð 500.000 kr. til 110 listamanna. Alls bárust 413 umsóknir frá 387 aðilum.

Samkvæmt þingsályktun um sérstakt tímabundið fjárfestingaátak til að vinna gegn samdrætti í hagkerfinu í kjölfar heimsfaraldurs kórónuveiru hefur Myndlistarsjóði verið falið að úthluta fé til átaksverkefna á sviði myndlistar.

Myndlistarráð úthlutar 23 millj. kr. í styrki til 65 verkefna í fyrri úthlutun sjóðsins 2020. Sjóðnum bárust 181 umsókn og sótt var um í sjóðinn fyrir rúmlega 127 millj. kr.

Mennta- og menningarmálaráðherra, Lilja Alfreðsdóttir, afhenti Íslensku myndlistarverðlaunin við hátíðlega athöfn í Iðnó fimmtudaginn 20. febrúar. Guðjón Ketilsson var valinn Myndlistarmaður ársins fyrir sýninguna Teikn, í Listasafni Reykjanesbæjar.

Guðjón Ketilsson var valinn Myndlistarmaður ársins fyrir sýninguna Teikn, í Listasafni Reykjanesbæjar. E

Elín Hansdóttir valin úr hópi umsækjenda til vinnustofudvalar í Künstlerhaus Bethanien 2021-2022.

Myndlistarráð stendur fyrir málþingi í formi pallborðs undir yfirskriftinni Íslensk myndlistarstefna sem hefjast mun í Iðnó,  fimmtudaginn 20. febrúar kl. 18:00.

Íslensku myndlistarverðlaunin verða afhent í þriðja sinn 21. febrúar.

Sequences real time art festival er sjálfstæður listamannarekinn myndlistartvíæringur sprottin úr grasrótinni í Reykjavík. Hátíðin er vettvangur til að skapa og sýna framsækna myndlist.

Opnað hefur verið fyrir umsóknir í myndlistarsjóð og er umsóknarfrestur til miðnættis 19. febrúar. Um er að ræða fyrri úthlutun úr sjóðnum á árinu en úthlutað verður í marsmánuði.

Nýskipað myndlistarráð úthlutar 21,6 millj. kr. í styrki til 68 verkefna í síðari úthlutun sjóðsins á þessu ári. Sjóðnum bárust 142 umsóknir og sótt var um alls 99,8 millj. kr.

Gerð hefur verið opinber skipun mennta- og menningarmálaráðherra í nýtt myndlistarráð sem tekur til starfa nú síðsumars. Skipunartímabil nefndarmanna er til þriggja ára í senn, eða til 30. júní 2022.

Opnað hefur verið fyrir umsóknir í myndlistarsjóð og er umsóknarfrestur til miðnættis 20. ágúst. Um er að ræða seinni úthlutun úr sjóðnum á árinu en úthlutað verður í septembermánuði.

Myndlistarráð úthlutaði 22 millj. kr. í styrki til 62 verkefna í fyrri úthlutun sjóðsins á þessu ári. Sjóðnum bárust 199 umsóknir og sótt var um alls 142,9 millj. kr.

Mennta- og menningarmálaráðherra, Lilja Alfreðsdóttir, afhenti Íslensku myndlistarverðlaunin við hátíðlega athöfn í Iðnó fimmtudaginn 21. febrúar. Eygló Harðardóttir var valin myndlistarmaður ársins fyrir sýninguna Annað rými, Nýlistasafninu.

Íslensku myndlistarverðlaunin verða afhent í annað sinn 21. febrúar.

Eftirfarandi myndlistarmenn eru tilnefndir sem myndlistarmaður ársins 2019: Eygló Harðardóttir fyrir Annað rými í Nýlistasafninu, Guðmundur Thoroddsen fyrir Snip Snap Snubbur í Hafnarborg, Hekla Dögg Jónsdóttir fyrir Evolvement í Kling & Bang og Steinunn Gunnlaugsdóttir fyrir Litlu hafpulsuna, Cycle Music & Art - þjóð meðal þjóða.

Opið er nú fyrir umsóknir í Myndlistarsjóð, umsóknarfrestur stendur til 22. febrúar næstkomandi, en úthlutað verður í mars mánuði.

Myndlistarráð úthlutar 18 millj. kr. í styrki til 46 verkefna í seinni úthlutun sjóðsins á þessu ári. Sjóðnum bárust 144 umsóknir og sótt var um alls 106,4 millj. kr.

Myndlistarráð úthlutaði 22 millj. kr. í styrki til 55 verkefna í fyrri úthlutun sjóðsins á þessu ári. Sjóðnum bárust 171 umsókn og sótt var um alls 151,8 millj. kr.

Opið er nú fyrir umsóknir í Myndlistarsjóð, umsóknarfrestur stendur til 20. ágúst næstkomandi, en úthlutað verður í september mánuði.

Mennta- og menningarmálaráðherra, Lilja Alfreðsdóttir, afhenti Íslensku myndlistarverðlaunin í fyrsta skipti í Listasafni Reykjavíkur fimmtudaginn 22. febrúar. Sigurður Guðjónsson var valinn Myndlistarmaður ársins fyrir sýninguna Innljós, í kapellu og líkhúsi St. Jósefsspítala í Hafnarfirði á vegum Listasafns ASÍ.

Íslensku myndlistarverðlaunin verða afhent í fyrsta sinn 22. febrúar. Tilnefnd eru Anna Júlía Friðbjörnsdóttir, Egill Sæbjörnsson, Hulda Vilhjálmsdóttir og Sigurður Guðjónsson. Myndlistarráð stendur að verðlaununum sem hafa þann tilgang að vekja athygli á því sem vel er gert á sviði myndlistar á Íslandi. Verðlaununum er ætlað að stuðla að kynningu á íslenskum myndlistarmönnum og styðja við myndsköpun þeirra.

Opið er nú fyrir umsóknir í Myndlistarsjóð, umsóknarfrestur stendur til 15. febrúar næstkomandi, en úthlutað verður í marsmánuði.

Myndlistarráð úthlutaði 17 millj. kr. í styrki til 34 verkefna í seinni úthlutun Myndlistarsjóðs á þessu ári. Sjóðnum bárust 84 umsóknir og sótt var alls um 63,6 millj. kr.

Opið er nú fyrir umsóknir í Myndlistarsjóð, umsóknarfrestur stendur til 21. ágúst næstkomandi, en úthlutað verður í september.

Myndlistarráð úthlutar 18 millj. kr. í styrki til 50 verkefna í fyrri úthlutun sjóðsins á þessu ári. Sjóðnum bárust 121 umsókn og sótt var um alls 101,2 millj. kr.

Opið er nú fyrir umsóknir í myndlistarsjóð, umsóknarfrestur stendur til 27. febrúar næstkomandi, en úthlutað verður í marsmánuði.

Myndlistarráð úthlutar 13.050.000 krónum í styrki til 41 verkefnis í seinni úthlutun myndlistarsjóðs á árinu. Sjóðnum bárust 128 umsóknir og var sótt um alls 97,5 milljónir.

Nýtt myndlistarráð úthlutar 15 milljónum í styrki til 39 verkefna í fyrstu úthlutun Myndlistarsjóðs á árinu.

Mennta- og menningarmálaráðherra hefur skipað nýtt myndlistarráð sem tekur til starfa í vikunni.

Myndlistarráð, sem tók til starfa 2013, hefur á skipunartíma sínum unnið að greiningu á starfsumhverfi myndlistar á Íslandi. Fundað var með fólki innan fagsins og haldið málþing um starfshumhverfi myndlistar í samvinnu við ráðuneyti mennta– og menningarmála.