Eitt af verkefnum Myndlistarmiðstöðvarinnar er að bæta upplýsingagjöf innanlands um valkosti í fjármögnun verkefna og tækifæri í faginu.
Miðstöðin mun framkvæma það verkefni með því að miðla upplýsingum til listamanna og fagaðila í mynlistargeiranum í gegnum sérhæfðan póstlista.
Stefnt er að því að senda út reglulegar tilkynningar, bæði á íslensku og ensku. Jafnframt mun Myndlistarmiðstöð halda áfram að senda út mánaðarlegt fréttabréf á ensku.
Dæmi um tilkynningar:
- umsóknarfresti í tengslum við myndlistarsjóð
- umsóknarfresti ferðastyrkja Myndlistarmiðstöðar
- umsóknarfresti fyrir gestavinnustofur með styrk
- köll eftir sýningartillögum frá faglegum sýningarstöðum
- köll eftir þátttakendum í alþjóðleg verkefni
- upplýsingar um samkeppnir innanlands og erlendis
- atvinnuauglýsingar í myndlistargeiranum
- auglýsingar um námsstyrki sem tengjast faginu
- köll eftir tilnefningum fyrir styrki og verðlaun
