Stjórn Myndlistarmiðstöðvar hefur lagt línurnar varðandi val á næsta fulltrúa Íslands á Feneyjatvíæringnum í myndlist sem haldinn verður 2026.
Að þessu sinni verður kallað eftir tilnefningum frá fagfólki og hópum á sviði myndlistar, þ.e. félögum í fulltrúaráði Myndlistarmiðstöðvar og nokkrum öðrum samtökum að auki til að freista þess að fá inn fjölbreyttar tillögur.
Hver aðili getur sent inn allt að 10 tilnefningar. Ætlast er til að þau sem tilnefna ræði við sitt bakland um tilnefningarnar. Hægt er að tilnefna listamenn, listahópa, sýningarstjóra eða koma með sýningahugmyndir. Ekki er verið að leita að tillögum að fullbúnu listaverki fyrir Feneyjatvíæringinn á þessu stigi.
Stjórn Myndlistarmiðstöðvar fer yfir tillögurnar og velur 7 – 10 tillögur í úrtak til nánari skoðunar. En það getur falið í sér vinnustofuheimsóknir, fundi og ítarlegri skoðun. Endanleg ákvörðun verður í höndum fagráðs Myndlistarmiðstöðvar sem býður með sér tveimur erlendum gestum með þekkingu á íslensku myndlistarlífi og alþjóðlega þekkingu og tengsl.
Stjórn miðstöðvarinnar skipa:
Elísabet Gunnarsdóttir, formaður
Ingibjörg Sigurjónsdóttir
Margrét Áskelsdóttir
Pétur Thomsen
Örn Alexander Ámundason
Fagráð miðstöðvarinnar skipa:
Elísabet Gunnarsdóttir
Pétur Thomsen
Auður Jörundsdóttir
Í fulltrúaráði miðstöðvarinnar eiga sæti eftirtaldir aðilar:
Einn fulltrúa hver:
Viðurkennd söfn á sviði myndlistar
Listfræðafélagið
Samtök listamannarekinna myndlistarrýma
Utanríkisráðuneyti
Íslandsstofa
Myndstef
Að auki á Samband íslenskra myndlistarmanna fimm fulltrúa.
Auk þess er eftirtöldum aðilum boðið að senda inn tillögur:
AIVAG (Artists' in Iceland Visa Action Group)
Félag sýningastjóra á Íslandi
Listvinnzlan
LungA Skólinn
Myndlistardeild Listaháskóla Íslands
Norræna húsið
