Berglind Ágústsdóttir 

Berglind Ágústsdóttir sýnir ný verk tileinkuð fólkinu í Palestínu á örsýningu í Limbói, tilraunarými Nýlistasafnsins. Berglind selur myndirnar á eigin vegum en allur ágóði rennur til neyðaraðstoðar fyrir fólkið á Gaza. Sýningin verður opin frá og með fimmtudeginum 5. september til sunnudagsins 8. september á opnunartímum safnsins.

Sýning

Berglind Ágústsdóttir fyrir Palestínu

Hjólastólaaðgengi

Enginn aðgangseyrir

Nýlistasafnið eða Nýló eins og safnið er nefnt í daglegu tali, var stofnað árið 1978 af hópi listamanna og er því eitt elsta safn og sýningarrými í Evrópu í umsjón listamanna. Nýlistasafnið hefur verið einn helsti vettvangur fyrir samtímalist á Íslandi og á einstakt safn verka eftir íslenska og alþjóðlega listamenn frá sjötta áratug síðustu aldar og fram til dagsins í dag.

Sýningarhald Nýlistasafnsins hófst í byrjun níunda áratugarins og hafa margar sýningar markað tímamörk í íslenskri listasögu. Á hverju ári stendur safnið fyrir öflugri sýningardagskrá auk þess að vera vettvangur ýmissa viðburða, safnfræðslu og rannsókna, í náinni samvinnu við listamenn, sýningarstjóra, fræðimenn og almenning.

Í safneign Nýlistasafnsins eru yfir 2.200 verk sem gefin hafa verið af listamönnum, fulltrúum, söfnurum og einstaklingum sem tengjast safninu. Í dag endurspeglar safneign Nýló helstu hreyfingar í samtímalistinni og áhuga safnsins á því að spyrja og svara spurningum líðandi stundar.