Una Björg Magnúsdóttir 

 má sjá ný verk eftir Unu Björgu sem takast á við fyrirmyndir og eftirmyndir, breyskleika endurminninga en líka aðlögunarhæfni minnisins til að skapa samfellda frásögn. 


Í verkum sínum beitir Una ýmsum brögðum til að velta upp spurningum um fegurð, gildi, tilvist okkar, hegðun og hátterni. Hún notar til þess áferð og gildishlaðin efni á slunginn en sparlegan hátt. 


Una Björg Magnúsdóttir(f. 1990) býr og starfar í Reykjavík. Hún nam myndlist við Listaháskóla Íslands og stundaði framhaldsnám við ÉCAL í Sviss þaðan sem hún útskrifaðist árið 2018. Verk Unu hafa verið sýnd meðal annars í Listasafni Reykjavíkur, Listasafni ASÍ, Gerðarsafni, Y gallerí, KEIV í Aþenu, GES­2 í Moskvu og Künstlerhaus Bethanien í Berlín. 


Árið 2021 hlaut Una hvatningaverðlaun íslensku myndlistarverðlaunanna og í ár hlaut hún Guðmunduverðlaunin.

Viðburður

Gulari gulur 

Enginn aðgangseyrir

Ásmundarsalur var byggður árið 1933 af einum af okkar ástsælustu myndhöggvurum, Ásmundi Sveinssyni sem vinnustofa og heimili hans og fyrri konu sinnar, Gunnfríðar Jónsdóttur. Í áranna rás hefur húsið þjónað sem vinnustofur listamanna, sýningarrými og listaskóli svo dæmi séu tekin. 
Ásmundarsalur hefur ennfremur spilað stórt hlutverk í lista- og menningarsögu Íslands sem þungamiðja fyrir nýja strauma og stefnur.

Ásmundarsalur hefur verið endurgerður að öllu leyti og hvarvetna leitast við að upprunalegt útlit og funkis arkitektúr hússins njóti sín.

Ásmundarsalur er sjálfstætt starfandi sýningarsalur í miðbæ Reykjavíkur sem sinnir listinni í öllum sínum fjölbreytileika með áherslu á samspil ólíkra listforma. 