Málverk Kristins Más Pálmasonar eru stór að stærðum og spruðlandi af lífi, nánast á hreyfingu og draga okkur til sín líkt og hvirfilbylur, svo mikið er að gerast á myndfletinum. Okkur birtast þar ýmis rúmfræðileg form, birtingarmyndir ýmiskonar tákna og vísanir í táknfræði fyrri tíma og samtímans, hlutbundin og óhlutbundin teikning, sumsstaðar handskrift og annarsstaðar náttúruleg form. Í málverkum Kristins kemur ljósið innanfrá, líkt og innanúr myndinni og geislar út. Hann notar sprey-tækni, pennateikningu og málningu í bland og skapar þannig óræðan heim hluta, sem líkt og svífa í kring um hvorn annan innan myndflatarins. Heimur verka Kristins er brotakenndur og á sér svæði í yfirtónum vitundarinnar, líku því svæði er draumalífið birtir okkur.