Myndlistarmiðstöð auglýsir til umsóknar styrk til þriggja mánaða vinnustofudvalar við International Studio & Curatorial Program (ISCP) í New York.
Dvölin stendur frá júní – ágúst 2025.
Boðið er upp á rúmgóða einkavinnustofu sem listamaður hefur aðgengi að allan sólarhringinn. ISCP skipuleggur reglulegar vinnustofuheimsóknir til gestalistamanna frá sýningarstjórum og fagfólki, heimsóknir á söfn, gallerí, sýningarstaði og fyrirlestra. Þau sem dvelja hjá ISCP fá aðgengi að öflugu, alþjóðlegu tengslaneti; sýningarstjórum, safnafólki, blaðamönnum og öðrum sem starfa innan geirans.
Styrkurinn tekur til vinnustofudvalar, en ekki framfærslukostnaðar. Dvölin er fjármögnuð af Myndlistarráði. Forval á umsóknum er í höndum Myndlistarráðs, en lokaval er í höndum fagnefndar ISCP.
Umsóknarfrestur rennur út mánudaginn 3. júní 2024.
Umsóknin og umsóknargögn þurfa að vera á ensku.
Vinsamlega sendið eftirfarandi gögn með umsókninni:
- Ferilskrá, hámark 5 síður
- 10 ljósmyndir af verkum eða hlekkir á myndbönd. Taka skal fram titil, ártal, miðil og stærð eða lengd hvers verks. Auk þess má vera stuttur texti með lýsingu á verki.
- Ef við á má senda afrit af greinum eða gagnrýni, hámark 10 síður
- Ef við á má senda 2-3 afrit af sýningarskám eða útgefnu efni
- Meðmælabréf
-icelandic-pavilion-2000x2667.jpg&w=2048&q=80)
