Vinir og samstarfsmenn Hreins Friðfinnssonar munu vera með leiðsögn um sýninguna Endrum og sinnum nokkur fimmtudagskvöld í vetur.

Ragnheiður Gestsdóttir, listamaður býður gestum í leiðsögn á fimmtudaginn langa 26. september.

Verk Hreins eru ljóðræn og heimspekileg könnun á hversdagslegri mannlegri upplifun þar sem tími og tilviljun leika stórt hlutverk. Sýningin byggist eingöngu á verkum listamannsins í safneign og endurspeglar margslungnar tilraunir hans til að höndla hverfulleikann og fanga óendanleikann í tíma og rúmi.