Veðrun er samsýning á verkum félaga í FÍSL, Félagi íslenskra samtímaljósmyndara og er hluti af Ljósmyndahátíð Íslands sem fram fera dagana 17.-26. janúar. Í sýningartexta segir: Sýningunni er ætlað að leggja fram hugleiðingar um stöðu ljósmyndunar í samtímalist og í listasögunni. Sýningin kannar einnig hvernig hægt er að skilgreina ljósmyndun á óhefðbundinn hátt þar sem listamennirnir kanna tengsl mannsins við umhverfi sitt. Í verkunum sjáum við ummerki eftir manninn en mannveran er hvergi sjáanleg.

Sýningin kannar áhrif mannsins á náttúruna og umhverfið. Sýndar verða ljósmyndir af yfirgefnu landslagi þar sem við sjáum einungis óhlutbundin eða hlutbundin ummerki, ýmist í náttúrunni, innanhúss, í borgarlandslaginu, eða samfélagslegu samhengi. Sýnendur:

• Einar Falur Ingólfsson

• Nina Zurier

• Stuart Richardson

• Eva Schram

• Hallgerður Hallgrímsdóttir

• Katrín Elvarsdóttir

• Bjargey Ólafsdóttir

• Bára Kristinsdóttir

• Jóna Þorvaldsdóttir

• Björn Árnason

• Kristín Sigurðardóttir

• María Kjartansdóttir

• Bragi Þór Jósefsson

• Valdimar Thorlacius

• Claire Paugam

• Þórsteinn Svanhildarson