Þórunn Valdimarsdóttir nam ung að árum myndlist í Mexíkó og hefur allan feril sinn sem rithöfundur, skáld og sagnfræðingur teiknað. Ljóðabækurnar hefur hún myndskreytt. Sýningin er sú fyrsta í sýningaröð Glerhússins um rithöfunda sem stunda myndlist. Nýlega komu út eftir Þórunni ljóðabókin Fagurboðar og bókin Spegill íslenskrar fyndni sem er sagnfræðilegs eðlis. Á opnuninni les Þórunn uppúr bókunum. Sýningin verður aðeins opin í sautján daga, á laugardögum og sunnudögum kl. 13.00 til 17.00, á löngum fimmtudegi þ. 26. september frá kl. 17.00 til 20.00. Henni lýkur sunnudaginn 29. næstkomandi. Verið velkomin.