Safnasafnið og Nýlistasafnið leiða saman hesta sína í samstarfi við Norræna húsið og blása til málþings um söfnun á jaðrinum, umhverfi safna með sértæk markmið og söfnunargildi – hvert hlutverk þeirra sé innan vistkerfi lista og hvert þau stefna.
Málþingið Innangarðs og utan: söfnun á jaðrinum fer fram fimmtudaginn 14. mars, kl: 15:00 í Norræna húsinu. Aðgangur er ókeypis. Viðburðurinn fer fram á íslensku en verður textaður og túlkaður á ensku í rauntíma.
Erindi flytja:
Margrét M. Norðdahl, stofnandi Listvinnslunnar, í stjórn Listar án landamæra og áður í stjórn Safnasafnsins
Sigríður Regína Sigurþórsdóttir, safneignarfulltrúi Nýlistasafnsins
Elísabet Gunnarsdóttir, formaður stjórnar Myndlistarmiðstöðvar og forstöðumaður Listasafns ASÍ
Oddný Eir Ævarsdóttir, heimspekingur, skáld og dagskrárgerðarkona
~ stutt hlé með hressingu ~
Pallborð:
Auður Jörundsdóttir, forstöðumaður Myndlistarmiðstöðvar
Helga Lára þorsteinsdóttir, safnstjóri safnkosts RÚV og einn fulltrúa Safnaráðs
Sigurjón Baldur Hafsteinsson prófessor í safnafræðum í Háskóla Íslands
Ingibjörg Jóhannsdóttir, safnstjóri Listasafns Ísland
Stjórnendur og spyrlar eru Sunna Ástþórsdóttir (formaður stjórnar Nýlistasafnsins) og Unnar Örn Jónsson (myndlistarmaður og stjórnarmaður Safnasafnsins)
Aðgengi í Elissa (salur) er gott. Aðgengileg og kynhlutlaus salerni eru á sömu hæð.
Athugið að viðburðurinn fer fram á íslensku en verður textaður og túlkaður á ensku í rauntíma.
