Nú er hægt að leggja til hugmyndir að tilnefningum til Íslensku myndlistarverðlaunanna, sem veitt verða í áttunda skipti í mars. Leitað er eftir hugmyndum að tilnefningum fyrir myndlistarmann ársins og einnig til hvatningarverðlaunanna.
Smelltu hér til að senda inn tillögu
Frestur til að senda inn tillögur rennur út á miðnætti, mánudaginn 16. desember.
Myndlistarráð stendur að Íslensku myndlistarverðlaununum og eru þau veitt í nafni ráðsins. Markmið verðlaunanna er að heiðra myndlistarmenn á Íslandi, hvetja til nýrrar listsköpunar og efla kynningu á myndlist, innanlands sem utan.
Verðlaunin Myndlistarmaður ársins eru veitt myndlistarmanni sem þykir hafa skarað framúr með nýlegum verkum og sýningu á Íslandi á árinu 2024. Verðlaunafé er 1 milljón krónur.
Hvatningarverðlaun, 500 þúsund krónur, eru veitt starfandi myndlistarmanni sem nýlega hefur komið fram á sjónarsviðið og vakið athygli með verkum sínum.
-icelandic-pavilion-2000x2667.jpg&w=2048&q=80)
