Upplýsingar fyrir styrkhafa

Skilmálar

Við kynningu þeirra verkefna sem fá styrk úr myndlistarsjóði ber að taka fram nafn myndlistarsjóðs hvort sem er rafrænt eða á prenti: Myndlistarsjóður / Icelandic Visual Arts Fund

Styrkþegum útgáfustyrkja ber að skila inn eintaki af útgáfum á skrifstofu sjóðsins.

Greiðsla styrkja

Styrkir eru greiddir þegar styrkhafi sendir beiðni um greiðslu ásamt upplýsingum um tilvísunarnúmer, kennitölu og bankaupplýsingar til info@myndlistarsjodur.is. Vinsamlega athugið að greiðsla getur tekið allt að 4-8 vikur.

Styrkir undir 800.000 krónum eru greiddir út í einu lagi.

Styrkir yfir 800.000 krónum eru afgreiddir í tveimur greiðslum. Fyrri greiðsla, 80% af heildarstyrkupphæð, er greidd eftir að beiðni berst og seinni greiðsla, 20%, er greidd út eftir að greinargerð hefur verið skilað inn vegna verkefnisins.

Sjái umsækjandi sér ekki fært að vinna verkefnið getur hann afþakkað styrkinn.

Greinargerðir og áfangaskýrslur

Greinargerðum skal skilað í síðasta lagi þremur mánuðum eftir að verkefninu lýkur, nema um annað sé samið.

Greinargerð þarf að innihalda upplýsingar um:

• framvindu verkefnis sem hlaut styrk úr myndlistarsjóði, árangur þess og afrakstur.
• nýtingu styrks, sundurliðun kostnaðar, aðra styrki og tekjur.
• hvort forsendur verkefnis, markmið, verkáætlun, skipulag og kostnaður hafi breyst og þá hvers vegna.

Ef styrkir eru veittir til lengri tíma er skal skila árlegri áfangaskýrslu um framgang verkefnisins.