Sækja um styrk í myndlistarsjóð

Næsti umsóknarfrestur

Umsóknarfrestur fyrir vorúthlutun 2025 verður tilkynntur síðar.

Myndlistarsjóður veitir styrki til:

undirbúnings og þróunar viðamikilla verkefna
sýningarverkefna
útgáfu, rannsókna og annarra verkefna

Um umsóknarlotur

Umsóknafrestir eru tvisvar á ári: í febrúar og ágúst

Skilafrestur umsókna er til kl. 16:00 á auglýstum lokadegi. Umsóknir og fylgigögn sem berast eftir að umsóknarfrestur er útrunninn eru ógildar og ekki teknar til umfjöllunar.

Svör við umsóknum berast með tölvupósti 6 til 8 vikum eftir að umsóknarfrestur rennur út.

Styrkupphæð og mótframlag

Hámarksupphæð styrkja geta verið allt að 3. m.kr. en lágmarksupphæð ekki undir 300.000 kr.

Myndlistarsjóður veitir allt að 70% af áætluðum heildarkostnaði verkefna og því þarf umsækjandi að brúa 30% mótframlag.

Hafa samband

s: 562 72 62

info@myndlistarsjodur.is

Umsóknagátt

Hverjir geta sótt um

Myndlistarfólk, sýningarstjórar, listfræðingar og sjálfstætt starfandi fagfólk á sviði myndlistar.

Listasöfn, gallerí, sýningarstaðir, stofnanir og félög geta notið styrks úr myndlistarsjóði til skilgreindra verkefna. Mikilvægt er að nafn þess sem er í forsvari fyrir hönd, hóps, stofnunarinnar eða félagsins komi skýrt fram sem tengiliður verkefnisins.

Ef umsækjanda hefur áður verið veittur styrkur úr myndlistarsjóði þarf lokaskýrsla fyrir veittan styrk að hafa borist áður en ný umsókn er tekin til umfjöllunar.

Úthlutunarstefna myndlistarráðs 2022-2025

Myndlistarsjóður veitir styrki samkvæmt ákvæðum myndlistarlaga nr. 64/2012.

Þau áherslusvið sem hafa forgang við ráðstöfun fjár á tímabilinu 2022-2025 eru:

verkefni sem styðja við framkvæmd myndlistarstefnu og þær aðgerðir sem falla undir starfssvið myndlistarráðs
verkefni sem efla alþjóðlegt samstarf og kynningu á íslenskri myndlist erlendis
fjölbreytt verkefni á sviði myndlistar, m.a. með tilliti til sjálfbærni og menningarlegrar fjölbreytni
verkefni sem unnin eru í tengslum við myndlistarhátíðir og vinnustofur hérlendis og erlendis
verkefni sem byggja á samstarfi um rannsóknir og útgáfu rita og bóka um myndlist