Safnasafnið minnist Arnars Herberssonar, sem féll frá fyrr á árinu, með sýningu á sjaldséðum grafíkverkum sem hann vann á árunum 1967-1971. Árið 2016 gaf Arnar Safnasafninu prentplöturnar af grafíkverkum frá þessu árabili og var þá stax ráðist í að varðveita þær og rannsaka með það að makmiði að sýna og miðla til listunnanda. Verkin mikilvægur og óvenjulegur minnisvarði um framlag Arnars til grafíklistar hér á landi. Verkin sýna margslungnar og lagskiptar senur þar sem viðfangið er manneskjan, ráðvillt og veikburða í vélvæddum heimi tækni og sölumennsku. Í forgrunni eru umbrot sálarlífsins, innri togstreita og viðkvæmni manneskjunnar. Verkin minna á óræðan draum, þar sem dreymandinn er ófædd vera sem hniprar sig saman í þeirri von að öðlast skjól á ferðalagi sínu um miskunnarlausan heim tæknidýrkunar og sölumennsku. Verkin eru unnin í djúpþrykk frá 1967-1971, endurprentuð af listamanninum Joe Keys á þessu ári.