Umræðuþræðir er samstarfsverkefni Kynningarmiðstöðvar íslenskrar myndlistar, Listasafns Reykjavíkur og Listaháskóla Íslands. Allt frá árinu 2012 hefur listamönnum, fræðimönnum og sýningastjórum sem njóta viðurkenningar í hinum alþjóðlega listheimi verið boðið hingað til lands á vegum verkefnisins.

Lagt er upp með að skapa vettvang fyrir alþjóðleg tengsl og umræður; gestirnir kynnast íslensku listalífi, kenna gestanámskeið og kynna um leið eigin verk og hugðarefni.

Gestir

Shu Lea Cheang

28. apríl 2022 Shu Lea Cheang

 

 

Einn gestur okkar í Umræðuþræðir í ár er listamaðurinn Shu Lea Cheang.

Shu Lea Cheang er taívansk- amerískur listamaður og þriðji gestur ársins 2022 í fyrirlestraröð Umræðuþráða. Hún er frumkvöðull í netlist og var verkefni hennar BRANDON (1998-1999) fyrsta netverkið sem Guggenheim safnið í New York pantaði og bætti í safneign sína. Verk hennar eða sögur sem þar koma fram eru innblásin af vísindaskáldskap en Cheang hefur um árabil mótað sinn eigin stíl og höfundareinkenni undir hatti hinsegin kvikmyndagerðar (e. new queer cinema) með fjölbreyttum kvikmynda, vídeó- og/eða netverkum sínum.

Fyrirlestur Shu Lea Cheang, VARIANT V.0, lagði áherslu á 4 verk hennar – BRANDON (1998-1999), 3x3x6 (2019), I.K.U. (2000) og UKI (2023) sem er nú í vinnslu. Verkin eru unnin yfir langt tímabil með ára millibili en þar leitast Cheang við að leggja fram hugmyndir um kyntjáningu utan hins “hefðbundna” kyngervis, kynhneigða: „As ever-mutating variants, these works are brewed years apart and threaded by my desire in gender hacking genre bending.“

Heimsóknin unnin í samstarfi við Bandaríska sendiráðið á Íslandi.

Umræðuþræðir er samstarfsverkefni Listasafns Reykjavíkur, Listaháskóla Íslands, og Kynningarmiðstöðvar íslenskrar myndlistar.

Allt frá árinu 2012 hefur listamönnum, fræðimönnum og sýningastjórum sem njóta viðurkenningar í hinum alþjóðlega listheimi verið boðið hingað til lands á vegum verkefnisins. Meðal gesta má nefna Heike Munder, Miwon Kwon, Claire Bishop, Nicolaus Schafhausen , Mary Jane Jacob and Dieter Daniels, Douglas Gordon og fleiri.

Lagt hefur verið upp með að skapa vettvang hérlendis fyrir alþjóðleg tengsl og umræður; gestirnir kynnast íslensku listalífi, stunda gestakennslu um leið og þau kynna eigin verk og hugðarefni með opnum fyrirlestrum í Listasafni Reykjavíkur.

 
Gregory Sholette

31. mars 2022 Gregory Sholette

 

 

Einn gestur okkar í Umræðuþræðir í ár er Dr. Gregory Sholette, lista- og fræðimaður, aktífisti, og sýningarstjóri. Erindi hans byggir útgáfu sem er væntanleg á árinu, The Art of Activism and the Activism of Art (New Directions in Contemporary Art).

Gregory Sholette er lista- og fræðimaður, aktífisti, og kennari sem býr og starfar í New York. Hann hlaut doktorsgráðu frá University of Amsterdam árið 2017 og lauk námi við Whitney Independent Study Program (1996); UC San Diego Visual Art Program (MFA: 1995); og The Cooper Union (BFA: 1979). Hann hefur gefið út fjölda fræðirita á borð við: Delirium and Resistance: Activist Art and the Crisis of Capitalism (2017); Dark Matter: Art and Politics in the Age of Enterprise Culture (2011); Art As Social Action (ásamt Chloë Bass: 2018), og The Art of Activism and the Activism of Art (2022). Dr. Sholette stýrir nýrri námsleið við Hugvísindadeild CUNY háskólann í New York (Social Practice – SPCUNY) sem tengir ýmsar greinar og leggur áherslu á félagslegt réttlæti og listir. Hann kemur einnig að kennslu við myndlist og hönnun í almenningsrými við Harvard University, Graduate School of Design.

Umræðuþræðir er samstarfsverkefni Kynningarmiðstöðvar íslenskrar myndlistar, Listaháskóla Íslands, og Listasafns Reykjavíkur. Í tengslum við verkefnið hefur allt frá árinu 2012 verið boðið hingað til lands fólki sem nýtur viðurkenningar í hinum alþjóðlega listheimi, ýmist á sviði listsköpunar, fræðastarfa eða sýningarstjórnunar. Lagt hefur verið upp með að skapa vettvang hérlendis fyrir alþjóðleg tengsl og umræður; gestirnir kynnast íslensku listalífi, stunda gestakennslu um leið og þau kynna eigin verk og hugðarefni með opnum fyrirlestrum í safninu. Bandaríska sendiráðið á Íslandi styrkir Umræðuþræði.

 
Krist Gruijthuijsen & Anna Gritz

3. mars 2022 Krist Gruijthuijsen & Anna Gritz

 

 

Fyrstu gestir samstarfsverkefnisins Umræðuþræðir 2022 voru Krist Gruijthuijsen forstöðumaður KW Institute for Contemporary Art í Berlín og Anna Gritz, sýningarstjóri KW.

Í erindinu, KW Institute for Contemporary Art Then and Now, munu Gruijthuijsen og Gritz fjalla um sögu og stefnu KW og kynna framtíðarsýn sem tekst á við bæði breyttar þarfir listamanna og áskoranir liststofnanna í menningarumhverfi samtímans.

Krist Gruijthuijsen, sýningarstjóri og listgagnrýnandi, hefur starfað sem forstöðumaður KW Institute for Contemporary Art í Berlín frá árinu 2016. Þar áður starfaði hann sem listrænn stjórnandi Grazer Kunstverein (frá 2012) og kenndi við myndlistardeild Sandberg Instituut í Amsterdam. Hann var einn stofnenda Kunstverein Amsterdam og forstöðumaður stofnunarinnar frá 2009-2012. Hann hefur sýningarstýrt fjölda sýninga, m.a. í Artists Space, New York og í Stedelijk safninu í Amsterdam. Ásamt sýningarteymi KW hefur hann sett upp verkefni og sýningar listamanna sem gjarnan litið hefur verið framhjá eða standa á jaðrinum með einum eða öðrum hætti. Má nefna listamenn á borð við Anna Daučíková, Beatriz González, Hiwa K, and Hassan Sharif. Goethe Institute styrkir heimsókn Gruijthuijsen til landsins.

Anna Gritz er sýningarstjóri KW og frá júní 2022 mun hún taka við sem forstöðumaður Haus am Waldsee í Berlín. Hún hefur sýningarstýrt fjölda sýninga við KW m.a. einkasýningar Judith Hopf, Lynn Hershman Leeson, Steve Bishop, Amelie von Wulffen, og Michael Stevenson, auk samsýninga á borð við The Making of Husbands: Christina Ramberg in Dialogue and Zeros and Ones (með Kathrin Bentele og Ghislaine Leung). Áður starfaði hún sem sýningarstjóri hjá at the South London Gallery (SLG), The Institute of Contemporary Arts (ICA) og Hayward Gallery í London. Gritz hefur skrifað greinar fyrir fjölda listtímarita og sýningarskrár. Hún var í sýningarráðgjöf fyrir Tvíæringinn í Sydney árið 2016 og hefur setið í innkaupanefnd FRAC Lorraine, Metz frá 2019.

Umræðuþræðir er samstarfsverkefni Kynningarmiðstöðvar íslenskrar myndlistar, Listaháskóla Íslands, og Listasafns Reykjavíkur. Í tengslum við verkefnið hefur allt frá árinu 2012 verið boðið hingað til lands fólki sem nýtur viðurkenningar í hinum alþjóðlega listheimi, ýmist á sviði listsköpunar, fræðastarfa eða sýningarstjórnunar. Lagt hefur verið upp með að skapa vettvang hérlendis fyrir alþjóðleg tengsl og umræður; gestirnir kynnast íslensku listalífi, stunda gestakennslu um leið og þau kynna eigin verk og hugðarefni með opnum fyrirlestrum í safninu.

Gregory Volk
21. okotóber 2021 Gregory Volk



Annar gestur ársins 2021 í fyrirlestraröðinni Umræðuþræðir er sýningarstjórinn og listgagnrýnandinn Gregory Volk. Í erindinu, Once, then Something: Wonderful Encounters with Marvelous Art, mun Volk fjalla um eigin upplifanir og persónulega sýn á samtímalistina. Fremur en að fjalla um viðfangsefnið frá sjónarhorni listrýnandans reynir hann að taka upp afstöðu hins almenna áhorfanda og listunnanda. Fyrirlesturinn fer fram á ensku. Gregory Volk er sjálfstætt starfandi listgagnrýnandi og sýningarstjóri og var prófessor við Virginia Commonwealth University þar til nýlega. Hann skrifar reglulega í listtímarit eins og Hyperallergic og Art in America. Hann hefur einnig ritað um listamenn í ýmsar útgáfur og sýningarskrár, meðal annars: Vito Acconci: Diary of a Body, 1969-1973 (Charta, 2007), Ragna Róbertsdóttir Works 1984-2017 (Distanz Verlag, 2018) og Katharina Grosse (Lund Humphries, 2020). Volk lauk BA gráðu Colgate University og MA frá Columbia University. Gregory Volk starfar á alþjóðlegum vettvangi sem textahöfundur og sýningarstjóri og hefur sýningarstýrt fjölda myndlistasýninga bæði í Bandaríkjunum og víðar. Hann heimsótti Ísland upphaflega árið 1999 og hefur síðan ferðast reglulega til landsins. Einnig hefur hann skrifað um fjölda íslenska listamenn og boðið þeim til alþjóðlegra sýninga sem hann hefur stýrt, meðal annars Rögnu Róbertsdóttur og Ragnar Kjartansson. Hann er staddur á Íslandi í sýningastjóra-dvöl (e. Curator in Residence) á vegum Kynningarmiðstöðvar íslenskrar myndlistar. Volk mun fjalla um valin samtímalistaverk sem hafa haft sérstök áhrif á hann. Frekar en að ræða um inntak, efni eða gerð verkanna, eða hvernig þau falla í listsögulega umgjörð samtímalistarinnar er áhersla lögð á áhrifamátt verkanna, og hvernig samtímalistin snertir okkur bæði vitsmunalega og tilfinningalega. Volk tekur dæmi um verk íslenskra, bandarískra og alþjóðlegra listamanna. Samtímalistin getur bæði heillað og komið á óvart. Dæmi eru skúlptúr sem bíður áhorfandanum að ganga á vatni eða málverk sem unnið er á einni sekúndu, aðlaðandi skúlptúr sem kastar rusli úr loftinu og 64 mínútna langt lag. Umræðuþræðir er samstarfsverkefni Kynningarmiðstöðvar íslenskrar myndlistar, Listaháskóla Íslands, og Listasafns Reykjavíkur. Í tengslum við verkefnið hefur allt frá árinu 2012 verið boðið hingað til lands fólki sem nýtur viðurkenningar í hinum alþjóðlega listheimi, ýmist á sviði listsköpunar, fræðastarfa eða sýningarstjórnunar. Lagt hefur verið upp með að skapa vettvang hérlendis fyrir alþjóðleg tengsl og umræður; gestirnir kynnast íslensku listalífi, stunda gestakennslu um leið og þau kynna eigin verk og hugðarefni opinberlega.
Cassandra Edlefsen Lasch

11 mars 2021 Cassandra Edlefsen Lasch

 

 

 

Fyrsti gestur ársins 2021 í fyrirlestraröðinni Umræðuþræðir er sýningarstjórinn Cassandra Edlefsen Lasch. Í erindinu, an artist publication as artwork as radiating library mun Cassandra fjalla um útgáfu listakonunnar Susanne Kriemann Ge (ssenwiese) og K (anigsberg): Library for Radioactive Afterlife sem hún ritstýrði. Fyrirlesturinn er á ensku.

Cassandra Edlefsen Lasch er sjálfstætt starfandi sýningarstjóri, ritstjóri og textahöfundur búsett í Berlín. Hún hefur velt fyrir sér hlutverki ritstýringar – ferli yfirlesturs og endurlesturs – innan listræns samhengis. Hún hefur stýrt alþjóðlegum ritum, bæði sjálfstætt og hjá Hatje Cantz, gegnt starfi ritstjóra við PRAXES Center for Contemporary Art í Berlín og við Bergen Assembly. Þá hefur hún unnið í samstarfi við ýmsa alþjóðlega listamenn og gallerí, meðal annars neugerriemschneider.

Gabriele Knapstein

4. apríl 2019 Gabriele Knapstein

 

 

Gabriele Knapstein (1963) býr og starfar í Berlín. Hún útskrifaðist með doktorsgráðu árið 1999 og fjallaði doktorsverkefni hennar um afburða tónlist eftir flúxus listamanninn George Brecht. Knapstein hefur unnið sem sýningarstjóri hjá Institute of Foreign Cultural Relations og hjá öðrum stofnunum frá 1994.

Árin 1999-2001 og frá árinu 2003 hefur Knapstein sinnt sýningarstjórn hjá samtímalistasafninu Hamburger Bahnhof í Berlín og í byrjun árs 2012 varð hún yfirsýningarstjóri þar. Haustið 2016 tók hún við stöðu safnstjóra Hamburger Bahnhof.

Frá árinu 1999 hefur hún borið ábyrgð á verkefninu „Works of Music by Visual Artists” þar sem á meðal listamanna eru Hanne Darboven, Rodney Graham, Christian Marclay, Carsten Nicolai, Janet Cardiff & George Bures Miller, Ryoji Ikeda og í haust bætist við Cevdet Erek.Selected recent exhibitions include: “Bruce Nauman. Dream Passage” (2010), “Architektonika. Art, Architecture and the City” (2011-2012), “Susan Philips. Part File Score” (2014), “Black Mountain. An Interdisciplinary Experiment 1933-1957” (2015), “moving is in every direction. Environments – Installations – Narrative Spaces” (2017), “Hello World. Revising a Collection” (2018). Af fyrri sýningum hennar má nefna: „Bruce Nauman. Dream Passage” (2010), „Architektonika. Art, Architecture and the City” (2011-2012), „Susan Philips. Part File Score” (2014), „Black Mountain. An Interdisciplinary Experiment 1933-1957” (2015), „Moving is in every direction. Environments – Installations – Narrative Spaces” (2017), „Hello World. Revising a Collection” (2018).

Fyrirlestur  Dr. Gabriele Knapstein bar heitið „Confirming and Questioning the Canon. On Exhibiting the Collection of the Nationalgalerie at Hamburger Bahnhof – Museum für Gegenwart – Berlin” og fór fram í Hafnarhúsinu, Listasafni Reykjavíkur. Hægt er að sjá upptöku af honum hér. 

Fyrirlestrar fara fram á ensku og eru öllum opnir í boði Listasafns Reykjavíkur, Kynningarmiðstöðvar íslenskrar myndlistar og Listaháskóla Íslands í góðu samstarfi við Goethe stofnunina

Dorothee Richter

31. janúar 2019 Dorothee Richter 

 

 

Dr Dorothee Richter er prófessor í samtíma sýningarstjórnun. Frá árinu 2005 hefur hún verið yfir framhaldsnáminu í sýningarstjórnun (MAS/CAS), www.curating.org, í Listaháskólanum í Zurich (ZHdK). Hún stofnaði einnig „PhD in practice in curating” sem er samstarfsverkefni framhaldsnámsins í sýningarstjórnun og myndlistardeildar Háskólans í Reading, en verkefnið er fjármagnað af Swissuniversities. Hún gegnir einnig stöðu prófessors í Háskólanum í Reading í Bretlandi. Frá árinu 1999 til ársloka 2003 var Richter listrænn stjórnandi Künstlerhaus Bremen, þar sem hún stóð fyrir gagnrýninni sýningardagsrá byggðri á feminískum viðfangsefnum, þéttbýlisaðstæðum, valdatengdum viðfangsefnum og stofnanagagnrýni. Hún starfar enn sem sýningarstjóri. Nokkur af sýningarverkefnum hennar eru: New Social Sculptures at Kunstmuseum Thun, (2012) Speculative Curating, Performative Interventions, Migros Museum, Zürich (2016/17), þessa stundina stýrir hún einnig verkefnarýminu OnCurating (http://oncurating-space.org/). Hún er ritstjóri www.OnCurating.org, sem er tímarit, gefið út á netinu og í prenti, sem fjallar um sýningarstjórnun og kenningar hennar. Í doktorsnámi sínu fjallaði Richter um Flúxus list, “Fluxus: Art – Synonymous with Life? Myths about Authorship, Production, Gender and Community”. Árið 2013 kom út mynd sem hún gerði ásamt Ronald Kolb: Flux Us Now! Fluxus explored with a camera, sem var frumsýnd í Staatsgalerie í Stuttgart sama ár, í Migros safninu í Zurich, og í ýmsum Evrópskum listaháskólum og söfnum, sjá www.fluxusnow.net.

Bonaventure Soh Bejeng Ndikung

15. febrúar 2018 Bonaventure Soh Bejeng Ndikung

 

 

Bonaventure er sjálfstætt starfandi sýningarstjóri og líftæknifræðingur. Hann er stofnandi og listrænn stjórnandi listamiðstöðvarinnar SAVVY í Berlín og ritstjóri samnefnds tímarits sem fjallar um afríska samtímalist. Hann var einn sýningastjóra Docuemta 14 í Kassel Þýskalandi 2017. Meðal nýlegra sýningstjórnarverkefna má nefna Unlearning the Given: Exercises in Demodernity and Decoloniality, SAVVY Contemporary, 2016; The Incantation of the Disquieting Muse, SAVVY Contemporary, 2016; An Age of our Own Making í Holbæk, MCA Hróaskeldu og Kunsthal Charlottenborg í Kaupmannahöfn, 2016-17; The Conundrum of Imagination, Leopold Museum Vín/ Wienerfestwochen, 2017. Bonaventure hefur kennt og haldið fyrirlestra víða t.d.Tyler School of Art Philadelphia, Deutsche Bank Kunsthalle, Aalto háskólanum Helsinki, Art Basel, Villa Arson Nice, Muthesius Kunsthochschule Kiel, MASS Alexandria, HfbK Hamborg og Gwangju tvíæringnum.

Barbara Vanderlinden

18. janúar 2018 Barbara Vanderlinden

 

 

 

Barbara er sjálfstætt starfandi sýningarstjóri sem hefur rannsakað og kennt sýningarfræði og –sögu. Hún var nýverið professor í sýningarstjórn við Listaháskólann í Helsinki. Hún hefur skrifað meðal annars bókina The Manifesta Decade: Debates on Contemporary Art Exhibitions and Biennials in Post-Wall Europe, Cambridge, MA: MIT Press, 2005. Þá var hún gestaprófessor við San Francisco Art Institute. Hún stofnaði og stýrði tvíæringnum í Brussel árið 2008 og var meðstjórnanri annars Manifesta tvíæringsins í Luxemburg, 1998. Á árunum 1996-2006 stofnaði hún og stýrði sýningarstaðnum Roomade, Office of Contemporary Art í Brussel. Meðal verkefna sem hún stýrði þar eru Laboratorium (Antwerpen, 1999), On the desperate and long-neglected need for small events (Brussel, Manahatten Tower, 1996), Indiscipline (Brussel, 2000), Carsten Höller: The Boudewijn Experiment, og Matt Mullican Under Hypnosis (Brussel, 1996-97).

Gabriel Mestre

12. október 2017 Gabriel Mestre

 

 

 

Gabriel Mestre Arrioja er rithöfundur, kvikmyndagerðarmaður og sjálfstætt starfandi sýningarstjóri. Verk Gabriels sameina listsköpun, listfræði, sögu framúrstefnulistar og sögu frumbyggja Ameríku. Þau miða að því að finna mismunandi form þátttöku og samstarfs við einstaklinga og hópa sem hafa verið jaðarsett af kapítalisma og öðrum framleiðslukerfum. Verkefni Gabriels miðla meðal annars hugmyndum um markmið afnýlendunnar, virkni stofnanagagnrýni, valdeflandi borgararéttindi og uppbyggingu á nýjum formum af hagkerfum sem byggjast á samstöðu.

Guillaume Bijl

3. apríl 2017 Guillaume Bijl

 

 

 

Guillaume Bijl er fæddur árið 1946 í Antwerpen í Belgíu. Hann er sjálflærður listamaður, með bakgrunn úr leikhúsheiminum og vel þekktur fyrir innsetningar sínar. Seinni hluta áttunda áratugarins byrjaði hann að búa til staðbundna skúlptúra og hóf að rannsaka valkosti fyrir hugmyndalistina. Hann hefur í gegnum tíðina sett upp fjölda innsetninga sem eru einhverskonar félagslegt inngrip. Árið1979 gerði hann fyrstu innsetninguna af því tagi í galleríi í Antwerpen, þar sem hann setti upp ökuskóla. Þar setti hann einnig fram stefnuyfirlýsingu sem kallaði eftir afnámi listastofnanna og að þeim ætti að vera umbreytt í félagslega gagnlegar stofnanir.

Margot Norton

16. febrúar 2017 Margot Norton

 

 

Margot Norton er sýningarstjóri við New Museum í New York. Þar hefur hún sýningarstýrt einkasýningum með listamönnum á borð við Judith Bernstein, Sarah Charlesworth, Tacita Dean, Erika Vogt og Ragnari Kjartanssyni.

Norton skipulagði yfirlitsýningu á verkum LLYN FOULKES sem hefur verið sett upp í the Hammer Museum í Los Angeles, auk þess vann hún að samsýningunum Here and Elsewhere, NYC 1993: Experimental Jet Set, Trash and No Star, Ghosts the Machine og Chris Burden: Extreme measures.

Norton var aðstoðarsýningarstjóri á Whitney Biennial 2010 og í Whitney Museum of American Art (Drawings Department) í New York. Norton hlaut meistaragráðu í sýningarstjórnun frá Columbia University, New York, hún hefur haldið fyrirlestra og gefið út efni um samtímalist.

Karin Sander

25. október 2016 Karin Sander

 


Karin Sander er listakona sem hefur öðlast heimsathygli fyrir margháttaða listsköpun af hugmyndafræðilegum toga. Hún dregur athygli að hinu flókna sambandi á milli listaverks, stofnunar og áhorfenda með innsetningum sínum, skúlptúrum, ljósmyndum, nýjustu tækni og öðrum miðlum. Inngrip listakonunnar í rými og arkítektúr eru sérlega eftirtektarverð en hún kennir við List- og arkítektúrháskólann ETH í Sviss. Hún hefur komið margoft til Íslands og oft á tíðum með nemendum sínum. Karin sýndi nýverið í i8 gallerí verkið Kitchen Pieces, sem samanstóð af ávöxtum og grænmeti sem hún negldi beint á vegg.

Douglas Gordon

26. september 2016 Douglas Gordon

 

 

Douglas Gordon er heimskunnur listamaður sem öðlaðist alþjóðlega viðurkenningu þegar hann hlaut Turner verðlaunin árið 1996 og var fulltrúi Bretlands á Feneyjatvíæringnum árið eftir. Viðfangsefni hans eru af ýmsum toga en iðulega koma pælingar um tíma og minni við sögu. Hann skírskotar í menningarsöguna og sammannlegt minni og útfærir verk í ýmsa miðla, þótt einkum sé hann þekktur fyrir viðamikil myndbandsverk og -innsetningar.

Mary Jane Jacob

30. apríl 2015 Mary Jane Jacob

 


Mary Jane Jacob, Sýningarstjóri og prófessor við School of the Art Institute í Chicago, er annar gestur í fyrirlestraröðinni TALK Series á árinu 2015. Hún heldur opinberan fyrirlestur í Listasafni Reykjavíkur, Hafnarhúsi, fimmtudaginn 30. apríl kl. 20.00. Titill fyrirlestursins nefnist „Experiencing Social Practice“.


Í fyrirlestrinum mun Jacob velta fyrir sér upplifun áhorfenda og listamanna sjálfra af listaverkum sem hafa beina samfélagslega nálgun og fela í sér þátttöku almennings. Þá mun hún styðjast við kenningar bandaríska heimspekingsins John Deweys til þess að skoða félagslega sinnuð verk myndlistarmanna.


Mary Jane Jacob hefur sem sýningarstjóri síðustu áratugi stýrt hundruðum sýninga sem miða að því að færa myndlistina og orðræðu hennar út í samfélagið og nær almenningi. Jacob hefur einnig rannsakað hvað það að upplifa myndlist feli í sér og gefið út viðamiklar bækur um viðfangsefnið, m.a: Buddha Mind in Contemporary Art, Learning Mind: Experience into Art, Chicago Makes Modern: How Creative Minds Changed Society, og The Studio Reader: On the Space of Artists. Jacob er prófessor við School of the Art Institute of Chicago þar sem hún hefur veitt forystu rannsóknarverkefnis sem nefnist Chicago Social Practice History Series.

Diedrich Diedrichsen

26. mars 2015 Diedrich Diedrichsen

 


Diederichsen er fyrsti gestur í fyrirlestrarröðinni Umræðuþræðir á árinu 2015. Hann heldur opinberan fyrirlestur í Listasafni Reykjavíkur, Hafnarhúsi, fimmtudaginn 26. mars kl. 20.00. Titill fyrirlestursins er „When Did Contemporaneity Start? The Problems of a Degree Zero and the case of 1960“. Í fyrirlestrinum mun hann fjalla um hugtakið samtími og velta upp spurningum er varða hugmyndir um tímabilið í listasögunni sem kallað hefur verið „samtímalist”. Þá mun Diederichsen beina sjónum að árinu 1960 sem hugsanlegum upphafspunkti samtímalistarinnar.


Diedrich Diederichsen (f. 1957 í Hamborg) er einn afkastamesti menningarrýnir Þýskalands, en hann fæst jöfnum höndum við skrif um tónlist, samtímalist, kvikmyndir, leikhús, hönnun og pólitík. Diederichsen var blaðamaður, ritstjóri og útgefandi hjá hinum virtu tónlistarblöðum Sounds og Spex á níunda áratug síðustu aldar. Síðan í byrjun tíunda áratugarins hefur hann m.a. kennt við háskóla í Stuttgart, Pasadena, Offenbach am Main, Munchen, Köln, Los Angeles og Gainesville. Hann var prófessor við Merz akademíuna í Stuttgart frá árunum 1998 til 2007 og hefur síðan 2006 verið prófessor við listaakademíuna í Vínarborg.


Diederichsen skrifar reglulega í helstu tímarit og dagblöð Þýskalands en auk þess hafa birst eftir hann greinar í blöðum á borð við Artscribe, Artforum og Frieze. Nýlegar bækur eftir Diederichsen er m.a: Über Pop-Musik (Köln: Kiepenheuer & Witsch, 2014); The Whole Earth: California and the Disappearance of the Outside (Berlin/New York: Sternberg Press, 2013) og The Sopranos (Zürich: diaphanes-booklet 2012). Diedrich Diederichsen býr í Berlin og Vínarborg.

Dieter Daniels

8. april 2014 Dieter Daniels

 

 

 

 

Fyrirlestur Daniels nefnist Audiovisualogy: hybridity of science, art, entertainment and business og sækir innblástur sinn í sýninguna Hljómfall litar og línu sem nú stendur yfir í Hafnarhúsi. Daniels fjallar um hvernig upplifun okkar einkennist í auknum mæli af ýmis konar hljóð- og myndefni. Með tilkomu stafrænnar tækni er framleiðsla hljóð- og myndefnis orðin hluti af margs konar tæknimiðlum og list- og markaðsgreinum. Í fyrirlestrinum er tækniþróunin skoðuð í sögulegu ljósi og hin ýmsu tímabil borin saman. Þá verður sýnt fram á tengsl tækni, vísinda og skynfræði við tónlist og myndlist allt frá 18. öld.

Dieter Daniels hefur verið prófessor í listasögu og miðlafræði við listaakademíuna í Leipzig (HGB) síðan árið 1993 og hefur komið að fjölmörgum verkefnum á sviði miðlalistar. Daniels var einn stofnenda Videonale Bonn árið 1984 og stýrði Mediatheque ZKM safnsins á árunum 1991-1993. Hann var einn ritstjóra «Media Art Net» (www.mediaartnet.org) á árunum 2001 – 2005 og yfirmaður Ludwig Boltzmann Institute Media. Art. Research í Linz frá 2005-2009. Dieter Daniels hefur auk þess skrifað um myndlist 20 aldarinnar, um Marcel Duchamp, Fluxus og John Cage, en einnig um miðlalist, til að mynda tveggja binda útgáfuna Audiovisuology: An Interdisciplinary Survey of Audiovisual Culture (2010).

Heike Munder

11. mars 2014 Heike Munder

 

 

Heike Munder stundaði menningarfræði við Háskólann í Lueneburg og hefur verið safnstjóri Migros Museum für Gegenwartskunst Zürich síðan árið 2001. Hún var einn stofnenda Halle für Kunst Lüneburg e.V., sem hún stýrði á árunum 1995 til 2001. Munder hefur sýningarstýrt fjölda sýninga og má þar nefna: Ragnar Kjartansson (2012), The Garden of Forking Paths (2011), Tatiana Trouvé (2009), Tadeusz Kantor (2008), Rachel Harrison (2007), Marc Camille Chaimowicz (2006), Yoko Ono (2005) og Mark Leckey (2003). Hún hefur kennt við Háskólann í Lueneburg, Goldsmiths College í London, Háskólann í Bern, Listaháskólann í Zurich og Jan van Eyck akademíuna í Maastricht. Munder hefur síðan árið 1995 skrifað reglulega fyrir tímarit og sýningarskrár og var í dómnefnd Turner Prize árið 2012.

It’s Time for Action (There’s No Option) – Fyrirlestur í Listasafni Reykjavíkur

Heike Munder er annar gesturinn í fyrirlestrarröðinni Umræðuþræðir / TALK series á þessum vetri. Fyrirlestur Munder, sem nefnist It’s Time for Action (There’s No Option), tekur titil sinn frá samnefndu lagi Yoko Ono frá árinu 2000. Ono hefur frá upphafi listferils síns á sjöunda áratug síðustu aldar, áður en femínismi varð að gjaldgengu hugtaki, deilt á kynbundin hlutverk og fyrirkomulagi stétta- og feðraveldis í samfélaginu. Fyrirlestur Munder’s tekur mið af þessari viðleitni Yoko Ono og mun beina sjónum að femínisma í myndlist og greina hvötina til að rísa upp gegn fyrirkomulagi valdsins.

Nicolaus Schafhausen

21. janúar 2014 Nicolaus Schafhausen

 

 

Nicolaus Schafhausen, safnstjóri Kunsthalle Wien í Austurríki, er fyrsti gesturinn í fyrirlestrarröðinni Umræðuþræðir á þessum vetri. Fyrirlestur Schafhausens, sem nefnist „Intelligent Entertainment on the Rise”, mun leggja út af viðfangsefnum sem menningarstofnanir standa frammi fyrir í dag.


„Intelligent Entertainment on the Rise”
Undanfarið hefur myndlistin verið í kastljósi fjölmiðla, hefur sú athygli áhrif á verk listamanna og sýningarstjóra? Hvað sameinar samtímalistina síðastliðin tuttugu og fimm ár? Er myndlist pólitísk í sjálfu sér?


Spurningarnar hér fyrir ofan eru aðal viðfangsefni Schafhausens sem sýningarstjóra. Nýlega skipulagði hann tíu daga hátíð í Kunsthalle Wien sem nefndist „What Would Thomas Bernhard Do”. Hátíðin snérist um málefni líðandi stundar og í framhaldi var sett upp samsýning sem nefndist „Salon der Angst”. Sýningin fékkst við hið margræða hugtak angst, en hún var unnin út frá sjónarhorni samtímalistarinnar sem tengd var ýmsum sögulegum viðhorfum til hugtaksins. Í október 2013 ritstýrðu Brigitte Oetker og Schafhausen sextugustu útgáfu bókarinnar Jahresring: Jahrbuch für moderne Kunst sem nefndist „Attention Economy“. Bókin er safn viðtala við myndlistarmenn en þar leggur Schafhausen spurningar fyrir 31 listamann sem snúa að þeim skilyrðunum sem verk þeirra verða til í fremur en að verkum listamannana sjálfra.


Nicolaus Schafhausen er safnstjóri Kunsthalle Wien í Austurríki. Hann stundaði listasögu í Berlín og München og starfaði sem listamaður áður en hann hóf störf sem sýningarstjóri. Hann var listrænn stjórnandi Künstlerhaus Stuttgart og safnstjóri Frankfurter Kunstverein, sýningastjóri hjá Nordic Institute for Contemporary Art in Helsinki (NIFCA) og safnstjóri European Kunsthalle. Þá stýrði hann Witte de With Center for Contemporary Art í Rotterdam frá árinu 2006 til 2012.


Schafhausen var sýningarstjóri skála Þýskalands á Feneyjartvíæringnum árin 2007 og 2009. Hann var einnig sýningarstjóri alþjóðlegra hátíða og sýninga, m.a. “Media City Seoul 2010” og Expo 2010 í Shanghai.
Schafhausen hefur síðan árið 2011 verið stjórnandi Fogo Island Arts, verkefni að frumkvæði Canadian Shorefast Foundation. Hann er einnig sýningarstjóri Bucharest Biennale 2014 (BB6) sem er í samstarfi við Kunsthalle Wien. Auk þess sem Schafhausen hefur víðtæka reynslu sem stjórnandi og sýningarstjóri, hefur hann skrifað og ritstýrt fjölmörgum útgáfum um samtímalist. Shafhausen er gestafyrirlesari hjá HISK, Higher Institute for Fine Arts í Gent.

Alanna Heiss

Alanna Heiss

 

 

Alanna Heiss (f. 1943) er mikilvirk og virt persóna í bandarískum listheimi. Hún er helsti leiðtogi hreyfingar í stofnun óhefðbundinna listrýma í New York, frá því snemma á áttunda áratugnum, sem breytti því á róttækan hátt hvernig staðið var í framhaldinu að stórum listverkefnum, miðlun þeirra viðtökum við þeim.


Árið 1972 stofnaði hún sýningarýmið Clocktower Productions, sem hún starfrækti á Manhattan til ársins 2013. Og árið 1976 stofnaði hún P.S.1 Contemporary Art Center (sem nú er hluti af MoMA PS1), sem hún stýrði í 32 ár í Queens, og þekkt er um heim allan sem einn helsti sýninga- og framleiðsluvettvangur samtímalistar í heiminum.


Alanna Heiss hefur stýrt yfir 700 sýningum í P.S.1 og í listasöfnum og sýningarýmum um allan heim. Árið 2003 stofnaði hún Art RadioWPS1.org, útvarpsstöð P.S.1, þá fyrstu sinnar tegundar. Meðal fjölmargra rita, sem hún hefur skrifað og stýrt, eru bækur um verk listamanna s.s. Janet Cardiff, Alex Katz, Dennis Oppenheim, Michelangelo Pistoletto, Katharina Sieverding og John Wesley.


Alanna Heiss stýrði Parísartvíæringnum í samtímamyndlist árið 1985 og bandaríska skálanum á Feneyjatvíæringnum árið 1986. Hún var jafnframt sýningarstjóri sérstaks sýningarverkefnis um John Cage á Feneyjatvíæringnum árið 1993. Hún var listrænn stjórnandi Shanghai-tvíæringsins í samtímamyndlist árið 2002 og hún var þátttakandi í Yokohama-þríæringnum í samtímamyndlist árið 2005.


Alanna Heiss hefur hlotið helstu viðurkenningu New York borgar, svo og viðurkenningar frá franska ríkinu, Polar verðlaunin frá sænska konungdæminu og Skowhegan verðlaunin, öll fyrir framlag sitt til menningarmála, svo og CCS Bard verðlaunin fyrir framúrskarandi starf sem sýningarstjóri.

Didier Semin

27. september 2013 Didier Semin

 

 

 

Franski listfræðingurinn Didier Semin er fyrsti gestur haustannar í fyrirlestraröðinni og samstarfsverkefninu Umræðuþræðir. Semin flytur erindi sitt í Hafnarhúsinu, fimmtudaginn 27. september kl. 20.

Í erindi sínu fjallar hann um þróun skopteikninga frá nútímanum til samtímans með vísun í verk rúmenska listamannsins Dan Perjovschi, sem nýlega opnaði sýningu í Hafnarhúsinu. Rýnt verður í teikningar Marcel Duchamp, sem birtust í tímaritum snemma á ferli hans, en í gegnum allan hans feril sést hversu mikil áhrif þær höfðu á myndhugsun og notkun texta og tákna. Frá teikningum Duchamps má rekja endurtekin stef í verkum samtímalistamanna og teiknimyndasmiða á borð við Glen Baxter, David Shrigley, Jean-Michel Alberola og Dan Perjovschi.

Didier Semin er franskur listfræðingur og prófessor við École nationale supérieure des Beaux-Arts, París (frá 1998) og hefur áður starfað sem sýningarstjóri hjá Musée de l’Abbaye Sainte-Croix, Musée d’art moderne de la Ville de Paris og Musée national d’art moderne. Hann hefur skipulagt ýmsar yfirlits- og þematengdar sýningar m.a. á verkum Kurt Schwitters, og L’Empreinte (Imprint), Centre Georges Pompidou í samvinnu við franska heimspekinginn Georges Didi-Huberman. Hann er ritstjóri hjá útgáfufyrirtæki, sem hefur einbeitt sér að skrifum myndlistamanna og er gefið út af ENSBA.

Miwon Kwon

12. Mars 2013 Miwon Kwon

Ends of the Earth (and back)

Sýningarstjórinn og listfræðingurinn Miwon Kwon var fyrsti þátttakandi í fyrirlestraröðinni Umræðuþræðir árið 2013. Fyrirlestur hennar var haldinn í samvinnu við Hönnunarmiðstöð. Miwon Kwon flutti erindi um sýninguna “Ends of the Earth: Land Art to 1974” sem hún stýrði í samvinnu við Philipp Kaiser í Samtímalistasafninu í Los Angeles árið 2012. Á sýningunni voru rúmlega 200 verk eftir yfir áttatíu alþjóðlega listamenn en þar kom fram saga umhverfislistar í alþjóðlegu samhengi. Listamennirnir, Hreinn Friðfinnsson, Kristján Guðmundsson og Sigurð Guðmundsson voru meðal þeirra sem sýndu verk á sýningunni.
 
Miwon Kwon er listfræðingur og sýningarstjóri en hefur jafnframt bakgrunn í arkitektúr. Í skrifum sínum og rannsóknum hefur hún fengist við ólíkar greinar, meðal annars samtímalist, arkitektúr, umhverfislist og list í almannarými. Hún er ein af stofnendum og meðritstjóri tímaritsins Documents, a Journal of Art, Culture, and Criticism (1992-2004). Hún situr jafnframt í ráðgjafanefnd fyrir listtímaritið October. Kwon er höfundur bókarinnar One Place After Another: Site-Specific Art and Locational Identity en hefur líka fengist við skrif um ýmsa samtímalistamenn, m.a. Francis Alÿs, Michael Asher, Cai Guo-Qiang, Jimmie Durham, Felix Gonzalez-Torres, Barbara Kruger, Christian Marclay, Ana Mendieta, Josiah McElheny, Christian Philipp Müller, Gabriel Orozco, Jorge Pardo, Richard Serra, James Turrell, og Do Ho Suh. Kwon starfaði við Whitney Museum of American Art í byrjun tíunda áratugarins og hefur sýningarstýrt fjölda sýninga.
Umræðuþræðir er samvinnuverkefni Listasafns Reykjavíkur, Kynningarmiðstöð íslenskrar myndlistar og Listaháskóla Íslands. Með verkefninu er lagt uppi með að skapa vettvang hérlendis fyrir alþjóðleg tengsl og umræður í fyrirlestraröð ár hvert, með þátttöku áhrifamikilla sýningarstjóra, fræði- og listamanna. Bandaríska sendiráðið á Íslandi er aðalstyrktaraðili fyrirlestrarraðarinnar.
David A. Ross

15. Nóvember 2012 David A. Ross

 

 

David A. Ross er prófessor við School of Visual Art í New York og fyrrum safnstjóri San Francisco Museum of Modern Art, Whitney Museum of American Art og Boston Institute of Contemporary Art. Hann hefur einnig unnið sem sýningastjóri við University Art Museum, Berkeley Long Beach Museum of Art og Everson Museum of Art, ásamt því að sýningastýra fjölda sýninga á alþjóðlegum vettvangi. Ross hefur sérstaklega fengist við skjálist (video art) og nýmiðla í skrifum, skipulagningu sýninga og t.a.m. sýningastýrt yfirlitssýningu á verkum Bill Viola, Whitney Museum of American Art (ferðasýning).

Claire Bishop

21. mars 2012 Claire Bishop

Breski listfræðingurinn og myndlistargagnrýnandinn Claire Bishop er annar gestur og þátttakandi í fyrirlestraröðinni og samstarfsverkefninu Umræðuþræðir. Fyrirlestur hennar fer fram í Hafnarhúsi, miðvikudaginn 21. mars og fjallar um þátttökugjörninga með vísun í verk listamannsins Santiagos Sierras.

Frá því á fyrri hluta 10. áratugarins hefur sú tilhneiging verið áberandi meðal gjörningalistamanna að nýta sér utanaðkomandi aðila til þátttöku í verkum sínum. Fremur en að stíga sjálfir fram (líkt og meirihluti gjörningalistamanna gerði á sjöunda áratuginum og fram að lokum þess níunda) hafa listamenn tekið upp á því að ráða ólíka einstaklinga til að flytja eða framkvæma verkin. Slíkt fyrirkomulag, að nýta sér utanaðkomandi aðila sem beinan efnivið verkunum, hefur vakið upp heitar umræður um siðferði framsetningarinnar. Í erindi sínu mun Claire færa rök fyrir réttlætingu þátttökugjörninga, þar eð í þeim felist skoðun og gagnrýni á samfélagslega þætti.

Claire Bishop hefur sinnt skrifum fyrir fjölda alþjóðlegra listtímarita á borð við Artforum, Flash Art og October. Greinar hennar Antagonism and Relational Aesthetics (October, 2004) og The Social Turn: Collaboration and its Discontents (Artforum, 2006) eru með áhrifameiri skrifum síðari ára og hafa verið þýddar á fjölda tungumála. Einnig má nefna verk hennar á borð við Participation (MIT Press, 2006) og Installation Art: A Critical History (2005). Bishop hefur einnig sýningarstýrt nokkrum athyglisverðum sýningum, m.a. Double Agent (ICA í London, Mead Gallery í Warwick Arts Centre og í Baltic Centre for Contemporary Art í Gateshead). Bishop býr og starfar í New York. Hún er prófessor í samtímalistfræðum og sýningarstjórn við listasögudeild CUNY Graduate Center og hefur áður fengist við kennslu við Royal College of Art, London og Warwick University.

Eleanor Heartney

26. janúar 2012 Eleanor Heartney

 

Bandaríski myndlistargagnrýnandinn og fræðimaðurinn Eleanor Heartney er fyrsti fyrirlesarinn í röðinni og mun flytja erindi um myndlist og vinnuframlag í tengslum við sýningu Santioagos Sierras á fimmtudaginn klukkan 20:00 í Hafnarhúsinu.