Myndlist á Íslandi

Tímaritið Myndlist á Íslandi (Art in Iceland) er gefið út einu sinni á ári í veglegri og fallegri prentútgáfu bæði á íslensku og ensku. Ritið er hugsað sem miðja fyrir myndlistarumfjöllun hér á landi – öflugur vettvangur fyrir umræðu og gagnrýna greiningu á myndlist. Í tímaritinu eru fjölmargar greinar, viðtöl og umfjallanir, m.a. um sýningar og viðburði á undangengnu ári, fjallað er á gagnrýninn hátt um starfsumhverfi myndlistarinnar og stöðu þess listafólks sem myndar senuna á Íslandi. Við birtum einnig umfjöllun Myndlistarráðs um handhafa Myndlistarverðlaunanna, listaverk í pappírsgalleríinu okkar, umfjöllun um Íslenska skálann á Feneyjatvíæringnum, aðsendar greinar og fleira. Tímaritið er samstarfsverkefni Sambands íslenskra myndlistarmanna (SÍM), Myndlistarmiðstöðvar, myndlistardeildar Listaháskóla Íslands, Listfræðafélags Íslands og Myndlistarráðs.